PoliticaFeaturedLocal

Parlamentario Mervin Ras: Banda di tin un reglement van orde di Ministerraad mester tin transparencia

Mervi Wyatt Ras

Parlamentario, drs. Mervin Wyatt-Ras den su discurso ora a trata e ley cu ta reglamenta cambio di e Reglement van Orde di Conseho di Minister a trece diferente preocupacion padilanti. Ta necesario pa cambia e Reglement van orde en bista di COVID-19 y e forma virtual di reuni a consecuencia di COVID. Sinembargo Gobierno mester ta transparente. Ora ta trata rapportnan, decisionnan lo mester comparti esakinan cu Parlamento. Ora di viahe Parlamento mester ser poni na haltura. Mester duna Parlamento informacion pa Parlamento por haci su trabou di control. P.e. ora a trata landspaketten te ora cu Parlamento a keda pidi, gobierno a core trece e landspaketten den un caha di stofzuiger.

Pregunntanan di Parlamentarionan na minister mester tambe mester wordo contesta. Den e “overzicht werkzaamheden” di Parlamento na fin di e anja Parlamentario 2020-2021 a resulta cu di tur e preguntanan cu Parlamentarionan a haci na Ministernan 37% so a wordo contesta. Esaki ta lamentable pa un gobierno cu ta pretende tin integridad y transparencia halto ariba agenda. Wyatt-Ras a haya cu minister President den su contesta na Parlamento a mustra cu Parlameno no tin nada di bisa. E ta mustra si ta rabia pa e preguntanan. Wyatt-Ras ta haya lamentable tambe cu manera cu su colega a trece dilanti a sak’e y nenge toegang for di edificio di gobernacion. Esey ta di dos biaha cu ta haci asina cu e colega. A cambia lock di fractiekamer pa e no drenta y awor a nenge “toegang” pa haci su trabou. Wyatt-Ras a menciona den Ministerraad tambe tin quorum pa reuni y tuma decision. Esaki segun articulo 13 inciso 1.  E hecho cu e ex-Presidente di Parlamento di coalicion a laga 10 di su coleganan vota sin cu tabatin quorum, ta falta di conocimento di reglanan. Ademas un biaha mas para y defende loke el a comete como eror no ta comprendible di e ex-presidente di Parlamento.

Wyatt-Ras a sostene e mocion di su colega di Fraccion Croes pa por tin continuacion di e ley di screening articulo 19 den e reglement van orde, mientras cu Evelyn Wever Croes y su coalicion no ta mira esaki asina. Segun Wyatt-Ras mester elimina “friends and family” den Cocolishi. Decisionnan di tal forma tuma lo no ta imparcial. Wyatt-Ras ta conclui treciendo padilanti cu ta necesario cu banda di tin un reglement van orde mester tin transparencia den gobernacion.

Related posts

Minister di enseñansa y deporte Endy Croes a ricibi bishita y reuni cu representantenan di FIFA

EA News Author

Unda autoridad concerni pa ortoga boet a keda ?

EA News Author

Minister Dangui Oduber a duna reconocimento na mas di 80 empleado di Divi Resort riba nan Aniversario

EA News Author

Leave a Comment

Whatsapp Message