Diaranson, juni 28, 2023, Kiwanis Club of Palm Beach a celebra “Terrific Kids Teacher of the Year” hunto cu docentenan fantastico di St. Dominicus College, St. Franciscus College y Colegio San Hose. Durante e celebracion a haci entrega di certificacion na e “Terrific Kids Teacher of the Year” di cada scol.
Terrific kids ta un proyecto di reconosemento na nos alumnonan pa promove desaroyo den caracter, autoestima y perseverancia. TERRIFIC ta para pa Thoughtful, Enthusiastic, Respectful, Responsible, Inclusive, Friendly, Inquisitive, and Capable.
Alumnonan ta traha hunto cu nan docentenan pa establece y ehecuta metanan relaciona cu mehoracion riba conducta, relacion cu otro alumnonan, asistencia na scol, of trabou na scol. Tur mucha cu termina y logra e metanan aki, ta wordo reconosi como un “Terrific Kid”, esta un mucha fantastico.
Kiwanis Club of Palm Beach no por a sera e dushi lunch sin felicita y entrega e certificacion di “Terrific Kids Teacher of the Year” na Sr. Jeanpierre Castaño di Colegio San Hose, Sr. Mario Lobo di St. Dominicus College y Sra. Annelie Moes di St. Franciscus College. Di parti di Kiwanis Club of Palm Beach un danki y pabien na tur e docentenan fantastico di Aruba y sigui cu e bon trabou pa nos comunidad.
Kiwanis Palm Beach ta forma parti na e organizacion global “Kiwanis International” cu ta un instancia caritativo dedica na servicio na comunida cu e obhetivo principal pa haci nos mundo mihor door di cambia un comunidad pa medio di un mucha cada bez. Mas informacion por haya riba: www.facebook.com/kiwanispalmbeacharuba of www.kiwanis.org.
1 comment
[…] Source link […]