Cifra di COVID a subi na Aruba, Eugene Maduro Epidemiologo suplente di departamento di Epidemiologia na DVG ta duna di conoce cu mundialmente ta mira un aumento di casonan di COVID. Tanto den region Caribense, Latino Americano, na Merca y CDC tambe a saca un relato di aumento di casonan di COVID cu ta subiendo. Tambe na Hulanda y otro pais nan na Europa tambe ta mira e desaroyo aki.
No ta na Aruba so pero mundialmente e cifranan di COVID ta subiendo principalmente den e temporada di zomer, pero tambe den e temporada friu e COVID tin tendencia di subi. Na Aruba e ultimo cifranan cu tin ta indica cu tin aumento di casonan di COVID na Aruba. Segun Eugene Maduro Epidemiologo suplente di departamento di Epidemiologia na DVG e COVID a bira manera e griep normal y e personanan ta tuma mane un griep y e personanan no ta bay test.
Sinembargo loke cu hopi no sa cu un griep por keda ocasiona door di diferente virus y den e caso aki cu COVID ta un virus respiratorio tambe por causa e sintoma di griep cu ta keintura, dolor di curpa, dolor di cabes y na unda cu hasta por haya sintoma di diarea. Loke ta un realidad ta cu COVID nunca no a bay semper e la keda, pero e no tabata hopi activo mane cu e ta actualmente. E datos nan cu DVG tin ta mustra cu hospital ta hayando hopi hende y hopi hende ta keda interna na hospital cu COVID.
Eugene Maduro Epidemiologo suplente di departamento di Epidemiologia na DVG ta avisa pa comunidad di Aruba ta pendiente debi cu COVID tey na Aruba y sector medico a keda informa di e situacion na Aruba y cu mester ta alerta si tin sintomanan respiratorio bay mesora dokter di cas of yama y avisa cu tin sintomanan respiratorio pa asina haci e test necesario.
Actualmente e berdad ta cu hopi hende no ta test mas y esaki ta ocasiona cu tin poco test cu ta keda haci pa dia pero tin hopi casonan positivo y esey ta causa cu e porcentahe di personanan positivo ta subi.
E unico pasonan cu por yuda y evita cu e virus sigui transmiti su mes via aire ta medidanan di prevencion y medidanan higiena personal cu ta laba man frecuentemente, si ta sinti malo no bay den publico, evita di bay caminda tin hopi hende, si tin sintoma respiratorio, keintura, tosamento dolor di curpa ta conseha pa keda cas. Si tin e deseo di Sali mes ta haci peticion pa uza un mondkapje pa proteha bo mes y otro. Tur e puntonan aki ta medidanan basico cu un persona por tuma y por evita pa por contagia un otro hende. Tambe ta importante pa corda cu nos yun no sa kico e otro persona por ta sufri di dje. No ta un secreto cu COVID por complica of por haci cu un hende banda di bo por haya complicacion si e keda infecta cu COVID.
Segun Eugene Maduro Epidemiologo suplente di departamento di Epidemiologia na DVG e complicacionnan cu un persona por haya por ta severo paso e hende nan cu ta keda interna den hospital ta paso nan tin falta di zuurstof y ta pesey nan ta keda interna na hospital.
Tambe mester tene cuenta cu e grupo vunerabel pa haya complicacion ta e personanan riba 60 aña, personanan cu tin malesa cronico of un condicion cronico, personanan na estado y tambe e personanan cu ta pashent di cancer of un otro enfermedad cu nan sistema inmunologico ta comprimi cu nan defensa ta hopi abou. E gruponan aki di risico mester tene cuenta pa nan no haya COVID pa asina nan no haya complicacion a causa di COVID.
Cifra ta mustra cu hopi hende ta yega hospital pa motibo di COVID unda cu mucha, y hende grandi ta keda contagia. Tambe mester tene cuenta cu banda di COVID tin otro virus respiratorio ta circulando. Den e parti di kinderafdeling tin muchanan cu ta keda interna cu e virus di RSV, influensa A y B. Esaki ta indicacion cu no ta COVID so ta circulando pero tin diferente virus respiratorio ta circulando na e mes un momento, pero na e momentonan aki loke cu ta hopi mas alerta na dje ta e aumento di casonan di COVID.