Den conferencia di prensa na Merca Presidente di Estados Unidos a anuncia cu e forsa arma di EE. UU. a haci un operacion militar grandi den Caracas, Venezuela, cu resultado di captura di Nicolás Maduro y su casa, Cilia Flores. E operacion a wordo describi como hopi preciso, rapido y sin ningun soldad Mericano morto ni ningun ekiponan perdi.
Segun e discurso di Trump, Maduro ta considera un dictador ilegítimo y un lider di un red criminal grandi envolvi den narcotrafico y terorismo, responsabel pa entrada di hopi droga y violencia den Estados Unidos. E gobierno Americano ta bisa cu Maduro y su casa ta indicta na New York y lo enfrenta husticia Americano.
E Presidente a declara cu Estados Unidos lo keda gobernanda Venezuela temporariamente, te ora cu por haci un transicion sigur, ordena y honesto. E plan ta pa reconstrui e infrastructura di petroleo cu companianan americano grandi, pa haci e pais genera entrada, beneficia e pueblo Venezolano y compensa daño haci na Merca.
Tambe a enfatisa cu EE. UU. ta prepara pa mas accion militar si ta necesario, cu ningun otro pais por haci operacionnan di e nivel aki. E gobierno ta bisa cu e meta ta paz, siguridad, libertad y husticia pa e pueblo di Venezuela, incluyendo Venezolanonan cu ta biba na Estados Unidos.
Ademas, e discurso ta manda un mensahe fuerte na otro paisnan y grupo criminal: EE. UU. no lo tolera menasa contra su soberania ni su hende. E Presidente a bisa cu e hemisferio occidental awor ta mas sigur, cu Estados Unidos ta mas fuerte y respeta, y cu Venezuela por bolbe un pais stabiel y prospero bao supervision temporal di Merca.