E cantante di “Ya no mi amor”, “Aventurero”, “Bendecida” y “No tengo ni necesito” a canta anochi na Malaga, Santander, den un concierto cu e mes a describi como “mágico” riba su rednan social.
Poco ora despues, e a subi un avion chikito rumbo pa Medellín hunto cu otro cinco tripulantenan. E aeronave a cay den e sector Romita, entre Paipa y Duitama.
Autoridadnan a confirma cu no tabatin ningun sobreviviente.
E noticia a laga un dolor grandi entre su fanaticonan, coleganan y su ekiponan di trabou. Su cancionnan lo keda como parti di e banda sonora di hopi Colombianonan, for di bar nan te riba e scenarionan grandi cu e a logra yena, incluyendo El Campin.
For di Aruba EAnews ta manda un mensahe di solidaridad na su famia, su sernan keri, su publico y na henter e industria di musica.