BONEIRO KRALENDIJK E resepshon di aña nobo di Gezaghèber Soliano tabata den signo di enkuentro,
reflekshon i responsabilidat konhunto. E asistensia tabata bon i e esfera tabata kaluroso i relahá.
Representantenan for di komunidat, vários organisashon i mundu empresarial a bini huntu pa kuminsá e
aña nobo na un manera festivo.
Den su diskurso gezaghèber a para ketu na importansia di responsabilidat, rèspèt i enbolbimentu den
komunidat boneriano. El a hasi un yamada riba habitantenan pa no solamente ekspresá nan bon
intenshonnan, pero pa kombertí esakinan den echo tambe. Manera e mes a formulá esaki: “Na momentu
ku nos asumí responsabilidat, nos no ta fortifiká solamente nos komunidat, pero tambe nos ekonomia i
nos koherensia sosial.”
E resepshon a brinda hopi espasio pa enkuentro i kòmbersashon mutuo, i ku esaki mesora e mensahe di
konektividat a bira palpabel. Den liña ku e diskurso di aña nobo tur hende a ‘toast’ riba un aña kaminda
rèspèt, konfiansa i kolaborashon ta sentral, di manera ku huntu por sigui edifiká un futuro fuerte i
resiliente pa Boneiru.
