Diamars madruga pa 1:38 central di polis ta wordo notifica di un accidente na unda un auto lo ta envolvi riba e caminda di Sasaki.
E prome informe duna na polis ta cu e auto Hyundai shinishi di un manera of otro a baha caminda y tin dos hende herida.
Central di polis ta despacha patruya , ambulance y brandweer na e sitio di e sucedico.
Na yegada di e prome patruya ta topa cu un auto Hyundai Accent shinishi y dos hende homber den e auto cu ta mustra hopi grave y un di nan no ta reacionando.
Ambulance a presenta y duna e victima asistencia medico pero lamentablemente no por a haci nada mas pe.
Dr Forensico ta presenta y ta constata morto di e
turista Dwann Kaleid Gatewood naci na Merca dia 10 oktober 1976 (50 aña).
E ta bira e di 12 morto den trafico pa aña 2026.
E otro victima (chauffeur) a wordo transporta door di ambulance cu maximo urgencia pa hospital pa haya tratamento medico avansa. Su situacion ta critico.
Specialista di trafico a presenta y polis technico pa haci nan investigacion.
Departamento di slachtofferhulp a presenta pa asina brinda sosten na famia di e fayecido.
Cuerpo Policial Aruba ta manda palabra di condolencia na famia di e fayecido.