Zr. Ms. Groningen a sali for di Curaçao awe mainta pa Venezuela pa entregá ayudo di emergensia despues di e temblornan devastador di e pais. E barku naval a wordu kargá na Curaçao ku suministro entre otro awa y artíkulonan di ayudo. Un helikòpter NH90 i dos FRISC (barku di intersepshon rápido) tambe ta na bordo.
Defensa Region Caribe ta desplegando ZXr. Ms. Groningen pa brinda asistensia despues di e temblornan devastador. E barku ta karga un suministro di awa i por produsí awa di bebe adishonal usando su sistema di purifikashon abordo. E tripulashon di Zr. Ms. Groningen ta para kla pa duna yudansa di emergensia na e sitio, trahando estrechamente ku partnernan nashonal i internashonal. Pa medio di e akshon aki, Hulanda ta kontribuí na esfuersonan internashonal di alivio humanitario.
Banda di e despliegue di e barku di stashon, Wardakosta di Caribe ta usando su avion Dash-8 pa yuda transportá merkansia i personal for di e islanan Caribense pa Venezuela. Defensa Caribbe tambe ta apoyando e operashon di ayudo di emergensia di Merka ku ta wordu kordiná for di Aeropuerto Hato.
Riba petishon i den kordinashon ku outoridatnan lokal riba Kòrsou, Boneiru, i Aruba, Defensa Karibe ta kontribuí na operashonnan di yudansa humanitario despues di kalamidat òf emergensia den region durante henter aña dor di sostené outoridatnan lokal. Desplieguenan asina ta partikularmente importante durante temporada di orkan. Zr. Ms. Groningen ta den Karibe for di kuminsamentu di yüni i ta wòrdu desplegá pa vários tarea di seguridat marítimo, manera vigilansia, enforsamentu di lei, i kontrarestá aktividatnan ilegal manera kontrabanda di droga.
