Mariniersnan ta reforsa cooperacion na Colombia

Mariniersnan di Marine Squadron Carib i e peloton di boto a entrena, hunto cu e ‘Infantería de Marina Colombiana’, durante Ehercicio Estribo na Colombia di 11 pa 22 di mei. Den e region di riu cu ta un reto, den cercania di Turbo, tur dos unidad durante operacionnan riba i rond di awa, a traha intensivamente hunto pa intercambia conocemento, experiencia i proceduranan.

Mariniersnan Colombiano i Hulandes a tren banda di otro den un scenario realistico. E enfasis ey tabata riba fortifica habilidadnan operacional i intensifica mas ainda e cooperacion entre e dos cuerponan di Marina.

Durante Estribo, e mariniersnan a practica varios tactica i procedura pa operacionnan den tereno cu ta dificilmente accesibel, manera e selva denso den e area canto di e riunan. E unidadnan a tren riba, entre otro, movescionnan atraves di awa, opera den timnan chikito, i realiza operacionnan den condicionnan dificil cu hopi reto.

Tur dos unidad a oumenta nan despliegue i a siña for di otro su metodonan di trabou i experiencianan. E participantenan a experencia e entrenamento como intensivo i hopi educativo. Nan ta mira atras riba un ehercicio exitoso den cual a fortifica mas ainda e cooperacion mutuo.