Noticia AddicionalFeaturedLocal

Pastor Marcel Balootje: Redu: Un spirito malo cu ta kibra famia

Beibel

Buscando tur forma, pa duna un man y soluciona e crisis , problema den Famia, Violencia domestico, pleito di bisiña, pleito den oficina, hende cu no ta cuminda otro ni den cas di Dios, Famia cu no ta respeta otro ni na momento di entiero,fake news, voicemail di menasa, portret abusivo riba whatssup, facebook, falta di respet pa matrimonio, insulto aki , insulto aya, y mayoria di e cosnan aki, ta redo, ta noticia falso cu hende cu mente perverso,yena cu malisia ta produci pa un forma of otro causa daño na persona of famia, y cu den e tempo aki a lanta di un forma extravagante.

REDO ,CHISME, GOSSIP,RODDELLEN, OF DEN CUALQUIER OTRO IDIOMA ,no ta cos di awe , for di principio di mundo  tabatin redo,redo ta un noticia sin base, cu su unico fin ta trece problema, haci daño personal, of na un Famia, y hasta trece division den hogar y hasta den organisacion. Redo ta mas bieuw cu Covid, awor aki tur cos ta Covid, pero prome cu Covid a nace ya redo tabata existi, y awor aki durante di e pandemia aki , redo ta e plato  favorito pa hopi hende basta nan causa daño na otro.

Hopi hende ta saka secreto di otro pone riba caya, manera paña sushi, hopi no ta balora Amistad mas.

Hende no ta importa di susha otro su nomber, y despues bisa cu si bo no ta gusta, bay Ministerio Publico, pasobra nan sa cu Ministerio Publico ta bisabo pa djis pidi un disculpa den corant of otro medio di comunicacion, caminda, bo a causa e daño na e persona y despues e cos a caba. Pero e daño a wordo haci caba.

Bo ta imaginabo cu den e tempo cu nos ta biba aki tin hende ta haci redo pa kibra un bida, of pa trece tristeza den cas di hende, tin hende ta gaña cu nan a mira algo , djis pa susha nomber di otro. Tin hende ta tuma vengansa cu redo, pasobra nan envidia a bira insportabel, y door di esey nan ta prefera intenta na destrui un persona su testimonio of matrimonio, djis pasobra nan no por alcansa den bida locual e personal a alcansa.

Redo tambe ta bini di hende cu tin problema cu menos precio, cu nan ta rebaha hende, cu nunca ta spera cu e otro lo avansa den bida, y semper nan tin cu inventa algo pa degrada e persona of su famia of su organisacion.

Hende cu ta formula y haci redo a perde integridad, no ta importa ken a haci redo, ni tampoco , na unda e a hacie, si e ta un persona cu posicion of no, redo ta keda un forma di traicion, di ataca hende tras di nan lomba, bo tabata cu hopi hacido di redo ta gusta bruheria, y nan ta kere den webo di gai.

Laga nos comparti cu bo locual Beibel ta bisa di redo y lo bo keda asombra:

Beibel ta scirbi pa no haci REDO.

Levitico 19 vers 16, Salmo 15 vers 1-3, Efesios 4:31, Tito 3 :2 Santiago 4:11, 1 Pedro 2:1 ,1 Pedro 3:10.

Efecto negativo  y destructivo di Redo.

1 Samuel 24:9, Salmo 41:7 , Proverbios 17:9.

Redo ta bay contra di bo defensa Spiritual.

Prov 15:4, Mateo 15 vers 18.19. 2 Corintios 12:20, 2 Timoteo 2:16-17.

Hende cu ta haci REDO mester duna cuenta na Dios.

Mateo 12  vers  36-37, Jeremias 17;10,

Dios NO ta bendiciona hende cu ta haci REDO.

Salmo 101 vers 5.Juan 8:7 Filipenses 2:3, Colosenses 3:13,14, 1 Pedro 3:9.

Dios ta scucha y mira tur cos

Job 34:21,Prov 5:21, Prov 15:3, Romanos 2:2 Romanos 14:10-12 , Filipenses 4:8.

Asina aki nos ta trata di demostra cu  REDO  no ta di Dios , por favor stop cu asunto aki, y nos conseho ta pa busca Dios di henter bo curazon, y asina bendicion di Dios lo reina den bo Hogar.

Beibel

Related posts

Minister Endy Croes: A reuni cu secretario general di ministerio di enseñansa di Hulanda drs. Marjan Hammersma un bon reunion

EA News Author

Minister di Guyana Mohabir Anil Nandlall ta haci un apelacion na su comunidad Guyanes y comunidad Arubiano, pa semper para pa banda di husticia y paz mundial

EA News Author

CTB contento cu e skema di winter di WestJet

EA News Author

Leave a Comment

Whatsapp Message