Parlamento di Aruba (Staten van Aruba) a convoca un Reunion Publico (Openbare Vergadering) awe 4 di november 2026 pa 09:00 a.m. den sala di reunion di Parlamento. E reunion aki, cu a ricibi e sosten unanimo di tur fraccion parlamentario, ta trata un tema di altisimo balor historico y institucional pa nos pais.
E peticion tabata di fraccion di MEP E convocatoria oficial (Oproeping No. 5, pa e aña di sesion 2026-2027) ta basa riba un peticion formal presenta pa fraccion di partido MEP (mediante carta di dia 28 di oktober 2026). E unico punto riba agenda pa e sesion aki ta:
E anotacionnan personal di Prinses Beatrix tocante Betico Croes: Un analisis y discusion profundo encuanto e registronan y meymey di e tempo ey Prinses Beatrix (awor Prinses Beatrix di Hulanda) en relacion cu e Libertador di Aruba, Gilberto François “Betico” Croes.
Significado historico y union parlamentario E echo cu tur fraccion a duna nan sosten unanimo pa e reunion aki ta resalta e importancia y e balor patriotico cu e memoria historico di Betico Croes ta representa pa Aruba. E espacio aki den Parlamento ta brinda e oportunidad pa e representantenan di pueblo reflexiona riba e lasonan historico, e trayectoria politico di nos isla y e documentonan cu ta forma parti integral di nos patrimonio nacional.
No tabatin e motibo pa bay un di dos ronde di reunion paso den e prome ronde cada fraccion den parlamento a duna nan mensahe cla, cu kier claridad riba e exprecionnan aki. Cu e debata aki, Parlamento di Aruba ta reafirma su compromiso pa mantene bibo e historia y e legado di e lider cu a marca e caminda pa nos Status Aparte, nos historia y autonomia. Parlamento di Aruba a demostra cu nan por uni na momento cu ta trata pa defende interesnan di Aruba.