Den oranan trempan di mardugá di diabierna 23 di òktober, un kòntròl di rutina pa parti di Kuerpo Policial a terminando den un persecushon na pia, tiru di avertenensia/defensa, detenshon di dos persona i un entrada hudisial na un kompleho di apartamento.
Segun informe ofisial, agentenan policial a para un vehíkulo ku dos okupante riba Kaya Soeur Bartola pa un kòntròl di rutina. Durante e intervenshon akí, e ofisialnan a nota un holó fuerte di loke ta parse di ta substansia narkótiko, motibu pakiko a nifiká di hasi un kòntròl mas profundo di e outo i e okupantenan.
Persekushon i detenshon Durante e kòntròl, e pasahero di e vehíkulo a probechá di un momento pa hui for di e sitio na pia. Agentenan a inisiá un persekuyshón di inmediato pa kapta e sospechoso. Durante e fuga, e hòmber a saka un arma di kandela i a dirigí esaki direktamente riba e polisnan. Konfrontá ku e menasa direktu akí, polis a lòs tiru i a logra neutralisá e situashon, deteniendo e sospechoso na Kaya Gavilan. E hòmber detení tin e inisialnan B.R.P., di 31 aña di edat.
Simultáneamente, polis a detené e shofùr di e vehíkulo, un dama ku inisialnan A.R.A., di 28 aña di edat. Tur dos persona a keda detení pa violashon di e Lei di Arma di Kandela BES.
Entrada hudicial i investigashon en kurso En konekshon direktu ku e kaso akí, outoridatnan a ehekutá un entrada hudicial na un kompleho di apartamento situá na Kaya Aguilá. Durante e akshon policial akí, a konfiská varios artíkulo ku ta di sumo relevansia pa e investigashon.
Kuerpo Policial a konfirmá ku e investigashon ta kontinuá i no ta diskartá mas detenshon òf desaroyo den e próksimo dianan.