Rolando Marin ta selebrá un logro remarkabel:
30 aña di servisio ku hopi dedikashon na Tourism Corporation Bonaire (TCB). For di
tempu ku Rolando a drenta servisio di TCB dia 1 di sèptèmber 1994, e tabata un
empleado konfiabel i ehemplar, ku semper ta para kla pa yuda kaminda ta
nesesario.
Ku en total 39 aña den sektor di turismo, Rolando su karera a kuminsá na aña 1985
komo agente di hür outo na Budget Car Rental. Despues, na momentu ku e funshon
di Guia Turístiko a bira liber na Ofisina di Turismo, Rolando a hasi uso di e
oportunidat akí i a pasa over pa TCB pa kontinuá ku su trayekto den promoshon di
Boneiru.
Aktualmente Rolando ta trahando komo empleado di informashon, kaminda el a bira
e kara di Ofisina di Turismo. E ta disponé di konosementu amplio riba diferente
tereno, entre otro historia i flora i founa di Boneiru, di manera ku e ta un atkisishon
balioso pa e tim.
E famia di TCB ta felisitá Rolando ku su 30 aña di servisio i ta kla pa atmirá su futuro
kontribushonnan na promoshon di nos bunita isla Boneiru.