Na nomber di IBFF y BEEHIVES B.V., Relacionista Publico y Presidente di Hurado pa eleccionnan di Carnaval 2027, Joël Amadou Villarreal, ta informa comunidad cu diabiennes 2 di october 2026 ta e ultimo dia oficial pa inscribi pa participa den eleccionnan di Carnaval 2027.
Interes pa e eleccionnan di e temporada aki ta grandi. Varios categoria ta practicamente yen, algo cu ta demostra e entusiasmo, confianza y deseo cu comunidad tin pa forma parti di e proceso renoba aki.
P’esei, IBFF y BEEHIVES B.V. TA DUNA UN DANKI SINCERO NA COMUNIDAD
Joël, di parti di e organisacionnan, ta haci uso di e oportunidad aki tambe pa expresa un danki profundo na tur mayor, famia, participante y persona cu caba a haci uso di e oportunidad pa inscribi nan yiu, o cu a tuma e paso pa inscribi nan mes.
E confianza aki ta di gran balor.
Tur esnan cu a inscribi ta prepara pa haya e oportunidad di subi escenario dia 17 di januari 2027, caminda nan por demostra nan talento, creatividad, carisma y amor pa nos Carnaval.
“Hopi biaha, cambio por trece desafio den su proceso di di compronde y adaptacion. Pero ora cambio ta dirigi na progreso, calidad y crecemento, e esfuerzo ta keda compensa pa e resultado cu nos logra hunto.”
IBFF y BEEHIVES B.V. ta consciente cu cada proceso nobo ta pidi tempo, adaptacion y comunicacion. P’esei, e organisacionnan ta sumamente agradecido cu e comunidad a duna e proceso un oportunidad y a demostra su confianza mediante e gran cantidad di inscripcionnan cu a drenta.
Danki Corsou. Danki na tur mayor. Danki na tur participante. Danki na tur hende cu a escoge pa kere den e proceso.
E aceptacion y confianza di comunidad ta motiva nos pa sigui traha cu seriedad, transparencia y dedicacion pa entrega un proceso y un produccion digno di nos Carnaval.
DIABIERNES 2 DI OCTOBER 2026
ULTIMO DIA DI INSCRIPCION
CATEGORIANAN TA PRACTICAMENTE YEN
Si ainda bo no a inscribi, e momento ta awo. No laga bo ultimo chance pasa.
Nos ta mira otro 17 di januari 2027, ora talento, preparacion y pasion lo uni riba escenario.