Featured Curacao Internacional

Ta insolito ku Gobièrnu ta sigui stroba importashon di “zelftest” aki na Kòrsou


Gobièrnu di Kòrsou ta deprivá pueblo pa por hasi nan mes test di COVID-19 dor di no pèrmiti
importashon di “zelftest”. Durante reunion publíko di presupuesto 2022 ku a pasa, nos a hasi e
pregunta aki na Minister di Salubridat, Medio Ambiente i Naturalesa sra. Dorothy Pieters-Janga,
pero lamentablemente e kontesta tabata un sin vishon i e realidat di mundu, ku ta pretende ku
esaki ta pa protehá pueblo riba posibel resultadonan falsu òf no akudi na dòkter ora tin
simptomanan.
Enbes di duna informashon kon mester atende ku “zelftest” manera na otro kaminda di mundu
ta skohe e “easy way out” òf tin otro motibunan ku ta deskonosí pa nos.
Na Hulanda RIVM a bai na skol parti “zelftest “ pa muchanan hasi na kas pa por protehá nan
mes, kompañero di skòl i nan famia. Mientras na Aruba i Boneiru por kumpra e “zelfstest”
nòrmal den botika.
E dianan aki tin kantidat grandi hende ku ta bai laboratorionan pa motibu di e ola nobo aki.
Mientras si un persona no tin 35 florin e no por hasi test antigeno, mientras ku un “zelftest” lo
mester por kosta 1/3 parti di esaki. E idea no ta remplasá tèstnan di laboratorio na momento ku
importá e “zelftest” na momento ku esaki ta nesesario.
Konforme reglamento di orden di Parlamento nos a manda karta pa Minister Presidente i
Minister di Salubridat, Medio Ambiente i Naturalesa e siguiente preguntanan:
1. Kiko ta motibu ku aki hende mayor edat i hòbennan no por karga e responsabilidat di
hasi e tèst aki nan mes, ku bon kampaña di informashon?
2. Un djis aki skol ta habri bèk, ta preubá ku e kontagio ta grandi bou di hobennan.
Kon gobièrnu ta bai atendé ku e situashon aki?

Related posts

Discurso di Minister Xiomara Maduro na nochi cultural di XII Congreso di Carosai

EA News Author

Saba a haci peticion pa haya tereno pa un centro di enfermeria

EA News Author

AHATA ta distribui su ‘Hurricane Preparedness Guide 2021’

EA News Author

2 comments

Leave a Comment