Minister di Turismo, señor Wendrick Cecilia, tambe a bishita e aeropuerto y a expresa su orguyo den e manera profesional cu personal di Aruba a maneha e situacion den momentonan crucial. Segun e minister, e personal operacional a demostra cu nan ta e weso di lomba di e turismo di Pais Aruba. Esfuersonan colectivo a pone Aruba bek na normalidad. Segun Minister Cecilia Aruba a destaca cu e mihonan na aeropuerto ta resultado di esfuersonan colectivo entre diferente stakeholdernan, manera hotelnan, taxistanan, departamentonan relevante, y liderato di ATA, AAA y AHATA. Tur parti a keda alerta y coordina pa garantisa cu tur cos a cana bon y minister di Turismo Wendrick Cecilia ta gradici y ta contento cu tur e esfuersonan haci.
Minister di Turismo Wendrick Cecilia orguyoso di profesionalnan di Aruba “Aruba ta den su normalidad bek”
