Dia 31 di januari ultimo Aruba a keda den shock cu fayecimento inespera di e ex miembro di Parlamento Melvin Tromp.
Den shock pasobra hopi hende no tabata sa cu e tabata asina malo te pa yega na fayece n aman di un malesa incurabel.
A pesar di ta contrincantenan político, diferente miembro di oposición a sinti e perdida aki. Nan tabata considera Melvin como un persona cu ta defende su partido all out, cu alma y curpa. P’esey tabata motibo cu a dicidi di despedi di dje di forma oficial. E corteho fúnebre a para dilanti Parlamento unda cu e presidente y Griffier a pone un krans riba e caha di Melvin y después a haya chens pa condoleeer familiarnan presente.
Despues e corteho fúnebre a bay Cas di PartidoAVP unda tabatin un ceremonia mas largo, y caminda diferente persona a hiba palabra.
Loke cu a hala atención tabata con afecta Mike de Meza tabata y tambe e gran amigo di e fallecido, esta sr. Pisas (prome minister di Corsou), kende a biaha pa Aruba pa compaña su amigo na su ultimo biahe pa su cas di descanso.
Un biaha mas ta bay palabra di forsa na familiar y amistadnan di Melvin Tromp, cu e descansa na paz.
