Diahuebs Reina Elizabeth II di Inglatera a fayece na edad di 96 aña, segun Palacio di Buckingham a confirma. Gran Britania ta dispidi di e monarca cu e reinado mas largo di su historia: el a cumpli 70 aña riba trono den e aña aki mes, 2022. El a fayece den Kasteel Balmoral na Escocia despues cu e dokternan a bisa cu nan ta preocupa pa su salud.
“La Reina a fayece na paz awe tardi,” Famia Real a anuncia riba nan redman social. Su yiu homber mayo Charles, cu awo ta rey, lo bay bek London diabierna.
E prime den e liña di sucesion ta Charles, prins di Wales, y yiu mayo di e reina.
E t’e monarca Britanico heredero na trono cu mas tempo a warda, ya cu e tabata heredero aparente desde tempo cu e tabatin 3 aña. Tambe e t’e prome pa obtene un titulo universitario. Desde 2005 e ta casa cu Camilla, e dukes di Cornwalles.
Ta spera cu anuncia e detayenan riba su entierro proximamente.
EL A CUMPLI CU SU DEBER TE NA FINAL
“Mi bida semper lo ta dedica na su servicio.” Tabata un promesa cu el a haci repetidamente a lo largo di su reinado sin precedente mas recientemente den un mensaje cu a marca e aniversario number 70 di su yegada n’e trono.
Ta posibel cu Elizabeth II no a nace pa ta monarca, pero una bes cu destino a interveni, el a dedica firmemente su tempo na mundo n’e deber y na servicio.
Hasta den su ultimo añana di bida, manera hopi a specula riba si e lo dal un paso atras of por ta hasta lo abdica, el a mantene su mes firme na su devocion na su papel.
Mientras cu e pandemia di coronavirus a haci su entrada na mundo den 2020, e reina y su casa prins Philip, a retira fo’i London pa Windsor Castle. Como den otro memento di crisis, e nacion a busca trankilidad den e monarca, kende a declara cu firmesa “nos lo logra.”
KEN TA ELIZABETH
Elizabeth Alexandra Mary, “Lilibet” pa su amigonan, a nace dia 21 di april 1926. Y solamente un decada despues “Elizabeth a realiza cu e tabata realmente destina pa dirigi un imperio.
Y tur esaki tabata a base di un obra di escandalo: su omo Edward a abdica n’e poder pa casa cu Wallis Simpson, un Mericano divorcia, e amor di su bida, pero un estorbo p’e trono.
Dia 20 di november 1947, Elizabeth a casa cu Phillip Mountbatten, kende tabata prins di Grecia y Dinamarca. Esaki a haya su mes ta rechasa su titulonan p’e bira na 1952 e prins consorte di Reina Elizabeth II na momento cu e ultimo aki a subi trono.
For di e union aki a nace cuater yiu: Charles, Anne, Andrew, Edward
Diahuebs cu Reina Elizabeth II a fayece, Charles lo subi trono como rey di Reino Uni, titulo cu e ta haya inmediatamente.