Local

Hof’i Bario Rancho plantacion den bario


ORANJESTAD,Aruba

Centro di Actividad Rancho – Awe
mainta diamars 19 di mei Sr.
Clifford Rosa presidente di
Fundacion Rancho a presenta e
proyecto di Hof’I Bario Rancho
live via Facebook. Na e manera
aki a cuminsa informa
comunidad di e proyecto nobo
aki cu tin como meta pa
transforma e gardin di Centro di
Actividad Rancho den un Hof’I
Bario unda berdura y fruta por
wordo produci localmente. Kier cuminsa cu e proyecto na Juni y e prome Fase lo dura te cu
november 2020.
Proyectonan di plantacion den bario no ta algo nobo, e ta wordo practica rond mundo cu
proyectonan manera Urban Gardening projects. E proyectonan aki ta duna un comunidad di un bario
chicito of grandi e oportunidad pa produci nan mes un cuminda local. Ta enfoca riba e hendenan di e
bario y ta duna nan e habilidad pa produci comunda pa nan mes un comunidad. Mirando cu nos ta
riba un isla chickto, nos ta aplica e meta aki pa henter comunidad di Aruba. Ta pesey e proyecto aki
ta habri pa tur hende cu kier participa.
Criteria pa participacion
Tur esnan cu ta interesa di participa den e proyecto aki por registra online via un formulario di
registracion. Tumando e efectonan cu Covid-19 a pone riba nos comunidad na cuenta nos lo bai
enfoca riba personan den necesidad y esnan cu tin abilidad y interes halto den plantacion. Nos ta
buscando un maximo di 10 boluntario cu kier participa den e proyecto aki. E formulario di
registracion pa e proyecto Hof’I Bario lo wordo anuncia online den e prome siman di juni 2020.
Con abo por sostene e proyecto aki?
Manera Sr. Clifford Rosa ta bisa riba video, Hof’I Bario Rancho ta un cuminsamento di un proyecto
mas grandi cu ta enfoca riba production di cuminda local. Hof’I Bario ta un proyecto pa comunidad di
Aruba y por wordo aplica den otro barionan na Aruba. Pa transforma e gardin di Centro di Actividad
Rancho den un Hof’I nos mester di material. Banda di esaki e proyecto ta enfoca riba desaroyo
personal di cada participante. E meta ta pa duna nan e “skills” unda cu nan por crea nan mes un
iniciativa di plantacion den nan bario. Pesey lo combina plantacion cu dianan di tayer y reunion cu tur
e partipantenan. Pa por organisa y planifica e proyecto aki nos mester di e fondo necessario pa cubri
tur e gastonan hasi pa e proyecto. Pesey nos kier hasi un yamada na comunidad di Aruba pa yuda nos
hasi e proyecto aki posibel. Por hasi esaki pa medio di donacion cu descripcion “Hof’I Bario” of por
cumpra un di nos artefacto of cuadra di e proyecto Tempo pa Click na Centro di Actividad Rancho.
Bishita nos website www.stichtingrancho.org pa mas informacion.

Related posts

Parlamentario Rocco Tjon: Nos lo dialoga cu sindicatonan pa atende cu nan preocupacion

EA News Author

Hisa castigonan di delitonan moral, adaptacion di terminonandi verjaring y otro cambionan #926

EA News Author

Politica no mester ta esencia pa destrui otro pero pa uni un pueblo

EA News Author

Leave a Comment