Tencionan halto cu Merca awor cu Venezuela a hasi trato petrolero cu Iran.

ORANJESTAD,Aruba

For di Iran barconan LaPatilla / NYT por yega diabierna E promer barco petrolero di Iran carga cu gasolin pa Venezuela lo por yega diabierna venidero. Na momento cu  Nicolas Maduro a acudi na Iran pa haya e productonan necesario pa un refineria bieu cu tin escasez di gasolin, sintoma di e caos economico y politico mas amplio cu ta afecta loke tabata e productor mas grandi di petroleo di Latino America. E barco ta “Fortune” y ta bay mara na Jose, estado Anzoategui. E barconan ta carga cu alrededor di 1,5 miyon bari di gasolin evalua na mas o menos 45.5 miyon di dollar cu mester resolve pa un periodo cortico e escasez grandi cu tin na e pais, ya cu produccion interno a paralisa completamente. Mientras tanto e falta di combustible a conduci na e situacion unda di e gasolin mas barata na mundo prijs a yega na esun mas halto. Venezuela ja tin basta tempo ta sufriendo di un inflacion imenso, asta na Aruba nos a ripara e effecto di esaki cu immigracion di Venezolanonan pa Aruba y tambe na prijsnan di combustible y fruta. Un tempo un dollar por a cumpra alrededor di 5000 miyon galon di gasolin, si e tabata disponible, producto di e medida di mantene prijs na bolivar mientras inflacion di mas di miyon porciento a caba cu poder adquisitivo di e Venezolano. Noticia for di Washington DC a Sali tambe cu e president Donald Trump lo percura pa riba nivel diplomatico protesta internacional mente hunto cu tur su alliansanan contra e trato aki. Na Venezuela Esaki a hiba na e situacion tambe cu cobra na bolivar a bira irelevante, loke e cliente por a trece na producto real tabata mas importante pa esnan cu tabata bende gasolin. Tur esey a cambia pasobra mester di cuatro dollar pa cumpra un litro, si bo tin suerte pa haya un stacion habri pa benta. Cu tur e sancion fuerte di Merca poni pa Iran, tambe Venezuela cu ta sanciona, ta mustra cu e pais no tin nada di perde pero pa acepta loke a wordo manda.. E cambio inimaginable den prijs di combustible ta refleha e distorsion iracional di e economia socialista cu a hiba Venezuela di ta e pais mas rico den America Latino te na esun mas pober den poco mas di un decada. Venezuela tin’e reservanan mundial di petroleo mas grandi, pero tambe sufri e caida mas grandi den produccion den ultimo 40 aña. Awor cu tencionan ta escalando dia pa dia pais nan den bisindario di Venezuela tambe a cuminsa tuma nota y lo keda vigila tur accion cu tuma lugar den serkania di Venezuela.