PolicialFeatured

E di 16 morto den trafico pa aña 2026

Di 16 Morto Den Trafico

Diadomingo anochi pa mas o menos 10: 32 central di Polis ta wordo notifica di un accidente na unda un auto lo mester a pasa ariba un persona cu tabata ariba caminda na altura di Rey Hing Pos Chiquito.

Central di polis ta despacha patruya como tambe ambulance na e sitio di e sucedido.

E prome informe ta cu e hende muher di un of otro manera lo a cay riba caminda y na unda un auto lo a hala pe pa no a dal e pero un atro auto despues lo a pasa riba dje.

Ambulance a presenta na e sitio y a duna e victima assistencia medico y a transporte cu maximo urgencia pa hospital.

Lamentablemente pa 11:33 dokter na hospital ta constata morto di Nilienne Rhulayma Mariana Donata naci na Aruba dia  27 di juni 1981 di 45 aña.

Na e sitio di e sucedido a presenta specialista di trafico, polis tecnico pa hasi nan investigacion.

Departamento di Slachtofferhulp tambe a presenta pa duna assistencia na famia di e fayecido.

Cuerpo Policial Aruba ta manda palabra di condolencia na famia di e fayecido

Related posts

Polis di bario lo tin wowo riba diferente situacionnan den diferente bario

EA News Author

Norwegian Prima ta yega Aruba pa prome biaha

EA News Author

KPA: Den futuro reglanan lo cambia pa permiso di concierto

EA News Author

Leave a Comment

Whatsapp Message