Minister di transporte Ursel Arends a declara cu a reuni y sigui cu e dialogo hunto cu e taxista nan. E mandatario a sinta cu e 5 central nan , pero tambe e vereneging a bini hunto, hunto cu nan representante legal unda cu por sigui dialoga pa asina yega na solucionnan concreto. Den e reunion cu a tuma luga por bisa cu e panorama ta hopi mas cooperativo y ta sinti cu por yega hopi cerca di otro trahando hunto pa yega na solucionnan concreto. Tambe a duna e taxistanan un presentacion di kico ta e direccion cu gobierno di Aruba kier bay pa asina haci uzo di aplicacionnan pa asina facilita y garantisa e confiansa den e sector di transporte publico di taxi.
Tambe a splica riba cada permiso cu drenta con e ta keda analisa y asina evalua individualmente kende ta haya permiso of no ta haya permiso. Segun Minister di transporte publico Ursel Arends , awor aki ta sigui traha riba otro aspectonan pa asina por yega na solucionnan concreto pa asina impulsa e sector di taxista pa asina impulsa e servicio cu nan ta brinda nos bishitantenan.