Parlamentario Arthur Dowers di partido AVP ta cla pa eleccion, aunke cu e tempo ta cortico e preparacionnan ta andando. Arthur Dowers ta un di e politiconan den AVP cu a cumpli cu e pueblo di Aruba y kier keda sirbi su Pais. Semper tabatin un proposito pa contribui na e mehoracion di calidad di bida di nos ciudadanonan na Aruba, pero tambe mira e calidad di producto den su totalidad. Arthur Dowers ya caba tabatin e oportunidad aki hunto cu un team di partido AVP y ta sumamente gradicido na e oportunidad aki unda cu no solamente a siña di ta un politico, pero na mes momento traha cu personanan grandi di politica manera dr Tico Croes, Henny Eman, Watty Voz den felis memoria, drs.Mirto Croes . Siña for di e personanan grandi nan aki den politica bo ta siña cu politica tin un ideologia unda cu tin un pensamento den cuadro cu mester traha den e comunidad.
Arthur Dowers (AVP): Semper lo contribui na mehoracion di calidad di bida di nos ciudadanonan y calidad di producto Aruba
