Gobernador John Soliano di Bonaire a reacciona riba e carta di Eric van der Burg, secretario di estado di Asuntonan Interior y Relacionnan den Reino. Den su reaccion, e gobernador ta presta atencion na e preguntanan cu e secretario di estado a haci. E ta splica cual ta e pasonan cu Entidad Publico Bonaire ta tuma pa fortifica gobernacion y e organisacion publico. E mensahe ta hopi claro: nos ta traha, nos ta inverti y hunto Bonaire ta sigui padilanti.
A comparti preocupacion, trabou ta continua Gobernador Soliano ta referi na su carta di dia 10 di augustus. Den e carta aki e ta expresa su preocupacion tocante e situacion politico den luz di e tareanan social grandi na e isla. Na mes momento, gobernador ta enfatisa cu e trabou ta sigui cu e mesun intensidad. Aworaki mes nos ta pone pasonan concreto pa atende cu e tareanan aki. E desafionan di Bonaire ta rekeri un gobernacion stabil, pero tambe forsa di ejecucion: plannan mester keda realisa debidamente tambe. E acuerdonan den e carta di secretario di estado Van der Burg ta forma solamente un parti chikito di e hopi ambicionnan y temanan cu Entidad Publico Bonaire ta trahando diariamente riba dje.
Un isla den crecemento Den e ultimo añanan tras di lomba, Bonaire a crece fuertemente, y e crecemento aki ta continua. Sinembargo, e capacidad di Entidad Publico Bonaire y di otro servicionan no a sigui crece cu e mesun velocidad ey. Pa motibo cu den pasado inversionnan a keda atras, riba diferente tereno di maneho a surgi atraso. Banda di esaki, e tarea di Bonaire ta mas grandi cu esun di un municipio regular na Hulanda. Esaki ta rekeri un sistema nobo di traha, y un cambio asina ta costa tempo. Pa laga e cambio aki bay cuidosamente y cu exito, gobernador ta halla cu ta bon pa aplica enfoque. Pa medio di haci eleccion pa loke ta trata prioridad, Entidad Publico Bonaire por dirigi su energia riba loke ta mas necesario. Di e manera aki por realisa tambe loke ta keda priminti.
Inverti den bon gobernacion Dualismo tambe mester di tempo pa halla su lugar completamente den practica. Dualismo ta nifica un reparticion claro di rol entre Conseho Insular y Colegio Ehecutivo. Esaki ta rekeri un compromiso permanente di tur organo di gobernacion envolvi. Segun gobernador, ya caba ta invertiendo activamente den esaki aworaki, entre otro pa medio di:
- Participacion na entrenamento cu ta na encargo di diferente organisacion profesional.
- Revision di codigonan di comportamiento pa gobernantenan y empleadonan publico.
- Haci uso di trayectonan pa fortificacion di e organisacion publico.
- Aumenta resiliencia di e organisacion.
Colaboracion como yabi Den su reaccion, gobernador ta describi kico ta pasando na e momento aki. E ta indica tambe cual ta e esfuersonan cu ta keda eherece pa haci funcionamento di gobierno y di e organisacion publico mas solido. Den esaki Soliano ta enfatisa cu colaboracion ta crucial. Esaki ta conta pa gobierno y pa Conseho Insular, pa Entidad Publico Bonaire y pa Den Haag, y pa e colaboracion cu comunidad di Bonaire.
“Bonaire ta enfrentando desafionan grandi, pero nos no ta para nos so den esaki,” segun gobernador Soliano. “Nos ta traha tur dia pa logra un gobernacion mas fuerte y un miho servicio pa nos habitantenan. Esaki ta rekeri tempo, enfoque y principalmente colaboracion. Mi tin tur confianza cu hunto nos ta cana e caminda aki cu exito.”