Un invitacion ta wordo extende na e comunidad di Aruba pa atende un charla educativo denter di e marco di e siman di conscientisacion “World FTD Awareness Week 2026”. E evento aki, titula “Descubriendo e Misterionan di Trastornonan Frontotemporal”, lo tuma luga e siman aki y ta completamente gratis pa publico en general.
E obhetivo principal di e anochi informativo aki ta pa duna mas luz y conocemento tocante e trastornonan frontotemporal (FTD), cu ta condicionnan neurodegenerativo cu ta afecta e parti frontal y temporal di e celebro.
Detaye di e evento:
• Fecha: Diaranson, 30 di September 2026
• Hora: 7:00 PM – 9:00 PM
• Luga: Biblioteca Nacional San Nicolas
• Entrada: Totalmente Gratis
Oradornan di e anochi E charla lo conta cu e presentacion di dos profesional renombra den e area di salud y bienestar den nos comunidad:
• Dr. Jayburtt Dijkhoff (representando Pashentnan di Aruba – PDA)
• Drs. Melva Croes-Yánez (representando Fundacion Alzheimer Aruba – F.A.A.)
E oradornan lo comparti informacion valioso tocante e sintomanan, e impacto den e bida di e pashent y su famia, y e formanan di apoyo cu ta existi den nos comunidad.
Fundacion Alzheimer Aruba y Pashentnan di Aruba ta invita tur familiar, cuidado, profesional di salud, y e pueblo di Aruba en general pa bin scucha y siña mas tocante e tema di gran importancia aki.
