Un polemica fuerte a explota rond di e direccion y directiva di Horacio Oduber Hospital (HOH). Mientrastanto cu e ehecutivo maximo di e institucion ta clamando y exigiendo fondo pa cubri e castonan halto di servicionan medico brinda na personanan sin status legal, un pregunta clave ta resona den pueblo: kico e maneho mes a haci pa crea restriccion, obligacion di pago of un control proactivo? Esnan cu tin cuenta habri na hospital, ta husto pa nan haya un permiso pa keda Aruba of traha na Aruba ?, of por exiginan paga nan debi prome cu haya un permiso pa keda na Aruba.
Ta manehonan cu por implementa , of e gobierno AVP-FUTURO ta keda alimenta ilegalnan cu prioridad siendo e causa di debe y gastonan cu Aruba tin awe no ta causa door di esnan cu ta cumpli pero hustamente door di esnan cu no ta cumpli cu nan a haci durante cu nan a trapa riba ley y reglanan di Pais Aruba,
E discusion rond di derecho humano ta candente, pero hopi ta cuestiona cu e derecho aki no por bay na costa di e ciudadano cu ta cumpli debidamente cu su obligacionnan. Esnan cu ta traha duro y ta paga nan prima di AZV tur luna no mester carga e consecuencianan financiero di un situacion di ilegalidad cu a bay for di man.
E Cuestionamento Directo na e Directiva:
Falta di Maneho Interno: Pakico e director y su Raad di Comisario/Prevencion a cera wowo y laga e debe crece sin implementa un sistema estricto di cobransa of garantia di pago prome of durante e atencion medico non-emergente?
Cero Accion Proactivo: En bes di meld e casonan aki debidamente na gobierno of establece protocolnan severo di registracion y obligacion financiero, e hospital a keda pasivo te ora e cuenta a yega na un punto insostenibel.
Inhusticia pa e Pagado local: Awe e trahadonan di Aruba y e aseguradonan di AZV ta wordo pidi pa saca e castaña for di e candela pa cubri e buraco financiero aki cu nan no a causa, pero cu nan a confia cu tin persona nan serio ta maneha nan placa debidamente. Esaki a sosode?
Esnan cu ta contribui tur luna na e sistema di salud publico tambe tin derecho,derecho riba un hospital bon financia, cu bon servicio, y cu un maneho responsabel cu no ta hinca e carga di omisionnan administrativo riba lomba di e pueblo trahado. E pregunta cu ta keda den aire ta: te ki e pagado di impuesto mester sigui paga pa e falta di vison y accion di e lidernan di hospital?
Ta acusa e minister di salud cu no ta duna placa , pero hustamente e minister di salud ta proteha e cuidando cu si ta cumpli versus un mal maneho di tanto di director di Hospital, Raad van Toezicht y Raad van Bestuur no a cumpli cu ne debidamente.