Recientemente, ATIA a sali den un comunicado sosteniendo e framework di HOFA, argumentando cu esaki lo brinda un base solido pa e economia y e finansas publico di Aruba. E gremio comercial ta mira esaki como un herment pa crea stabilidad, locual concretamente lo mester beneficia e clima di inversion y comercio.
Sinembargo, criticanan y informacion cu EAnews a bin ta informa ta asina leu di clasifica e strategia di Gobierno spesificamente lidera pa Minister di Asuntonan Economico, Geoffrey Wever como un “campanja di sucu y lollipop”. Segun e perspectiva aki, e minister a sa di “pinta” e proyecto den un forma asina atractivo cu e la logra convence y “laba celebro” di e algun comerciante, sin cu e gremionan a para keto pa analisa e consecuencia- y letranan chikito di e ley di Reino HOFA di tur banda y no di un banda so manere e mandatario su so cu su so a bay bende e producto di HOFA na comerciantenan.
E Realidad Tras di HOFA: Hulanda ta ‘Take Over’
Contrario na e definicion optimista cu a wordo bendi na e gremio comercial, e realidad ora cu HOFA pasa ta mustra di ta hopi mas restringi pa Aruba. Analistanan ta adverti cu:
Fin di Autonomia Financiero: Na momento cu e framework aki drenta na vigor, Aruba lo no tin derecho mas riba ningun framework financiero autonomo cu e mes ta desea.
Decision den Man di Den Haag: Tur decision structural legal, economico y financieramente relevante lo wordo dicidi, evalua y aproba pa e Gobierno Hulandes.
Perdida di voz di Gremionan Local: Esaki ta nifica cu ni ATIA como gremio comercial principal, ni e propio Gobierno Nacional di Aruba, lo tin e palabra final artificial mas riba e maneho economico di e pais.
“E mesun comerciantenan cu awe ta duna sosten, mañan lo por topa cu e sorpresa cu nan mes no tin boz ni voto mas pa influencia e direccion economico di nan propio isla, ya cu tur e hilonan lo wordo rula for di Hulanda.”
Un Futuro Sentencia pa e Comercio Local?
E preocupacion grandi cu ta keda biba den e cuadro aki ta si e asina yama “fortificacion” aki no ta simplemente un desmantelacion silencioso di e Status Aparte riba tereno financiero. Mientras cu e campaña oficial ta papia di structura y disciplina, e realidad tras di cortina ta mustra un sentimento total di control na e financiado Hulandes.
E pregunta cu ta keda den aire den e sector comercial y politico di Aruba ta: Ta bal la pena cambia e soberania y e voz di e comerciante local structuralmente, pa un Lolipop di sucu a corto plaso? E tempo lo mustra si e decision di e grupo chikito di ATIA pa apoya HOFA tabata un movecion visionario, of e eror fatal cu a entrega e futuro financiero di Aruba den man ageno, unda cu placa lo caba un dia , pero un dignidad di bo propio pais bo mes como Arubiano ta kies pa trapa riba dje of apoye ?
EAnews a ricibi varios yamada na mesa di redaccion unda cu hopi dunado di trabou rabia cu e declaracion di ATIA y cu e statement aki no tin apoyo di tur dunado di trabou, aparentemente ATIA ta dividi, mes un cos cu e otro dunado nan di trabou. Tambe tin indicacion cu minister Geoffrey Wever ta poniendo presion aparentemente di un manera dictatorial pa haya apoyo di e dunadonan di trabou pa duna un declaracion cu nan ta pro HOFA , Minister Geoffrey Wever aparentemente tin hopi presion di Hulanda pa duna un declaracion cu Aruba ta pro HOFA, un situacion cu e mes a hinca su mes den dje , sin consulta cu parlamento.