FeaturedPolicial

Wardacosta ta yuda boto den emergencia den cercania di Sta. Cruz

Guardia Costera

Diahuebs ultimo, e Centro di Operacionnan Maritimo (MOC) di Wardacosta a ricibi un yamada di un persona cu a mira un señal di ‘flare’ (fuerwerk cora) riba lama den besindario di Sta. Cruz. A base di e yamada aki, MOC a dirigi e avion di Wardacosta pa e localidad di e ‘flare’ pa por evalua e situacion.

Na yegada na e area, e tripulacion di e avion a mira un boto cu un homber abordo ta zwaya pa yudansa. Despues cu e boto aki a keda detecta, MOC a manda un Metal Shark na e sitio pa duna asistencia. E Metal Shark a tou e boto cu e homber local na bordo hiba safe den direccion di e bahia di Sta. Cruz.

Den e situacion di emergencia aki, e ‘flare’ na bordo a resulta esencial. E homber a sa di uza esaki pa hala atencion di personanan na tera pa laga sa cu e tabata den un situacion di emergencia. Den un situacion di emergencia, un ‘flare’ por ta un di e equiponan mas importante pa hala atencion di hende of otro botonan den besindario ora cu otro medionan di comunicacion no ta disponibel na e momento ey na bordo.

Wardacosta ta conseha tur doño di boto pa mantene nan boto regularmente. Soru pa bo tin suficiente equipo di seguridad y rescate na bordo manera: salbabida, ‘flare’, flashlight, kit di prome asistencia, suficiente awa, aparato di paga candela, radio VHF y un telefon celular carga. Evita cu bo boto ta daña na caminda y cu bo tin un situacion peligroso riba lama cu bo boto y bo pasaheronan. Den caso cu bo mester di yudansa, bo por tuma contacto cu Wardacosta riba canal VHF 16, yama e number di emergencia 913, of manda un mensahe via WhatsApp na 005999 510 0913. Wardacosta ta desea bo un biahe plasentero y sigur.

Related posts

Lo ta un bon stap pa Aruba, Boneiro y Corsou bira miembro di FAO

EA News Author

Ta un lastima cu AVP ta keda persisti pa keda cu stoel di parlamento siendo cu ta un sospechoso

EA News Author

Ley di administracion pa pone cu cada departamento di gobienro cumpli cu cada ciudadanon cu haci un peticion na cualkier departamento

EA News Author

Leave a Comment

Whatsapp Message