Sint EustatiusFeatured

Homenahe Militar Durante di 250 Aniversario di ’Statia Day’

Statiaday 3

Riba 16 di novèmber, personal militar di Forsanan Armá Hulandes den Region Karibe a kontribuí na e selebrashonnan di 250 aña di Dia di Statia na Sint Eustatius. Durante e seremonia na Fort Oranje, Su Mahestad Rey Willem-Alexander tabata presente, huntu ku representantenan di Hulanda, Merka, i region di Karibe.

Konmemorando e “Prome Saludo”

Riba 16 di novèmber 1776, Gobernador Johannes de Graaff a ordená Fort Oranje pa debolbé un saludo na e barku Merikano Andrew Doria. E momentu aki ta konosí komo e “Promé Saludo”. E ta wòrdu konsiderá ampliamente komo e promé rekonosementu di independensia Merikano dor di un funshonario stranhero. Ku esaki Sint Eustatius a risibí un lugá úniko den historia di e Revolushon Merikano.

Kontribushon Militar Konhunto

Zr. Ms. Pelikaan, Zr. Ms. Friesland, e ‘Compagnie in de West’ i personal militar di Curaçao a forma parti di e kontribushon militar na e seremonia. Huntu cu unidatnan Merikano i personal di Forsanan Armá Hulandes den Region Caribe, a strukturá un homenahe históriko tantu for di laman komo for di kosta. E barku naval Merikano USS Minneapolis-Saint Paul a ehersé 13 disparo di saludo, ku a keda kontestá for di kosta ku 11 disparo di saludo di militarnan di Curaçao. Despues di e saludo a sigui unavion Merikano HC-130J, ku a bula pasa riba e area. Pa medio di nan kolaborashon, 250 aña despues, vários unidat militar a tuma parti na e konmemorashon di e momento históriko signifikante aki.

Statiaday 2Statiaday 4Statiaday 1 Scaled

Related posts

Falta di transparansha den finansiamentu di partidonan polítiko tin mester di atenshon

EA News Author

Edificio di ex DOW ta den su proceso final pa compra di edificio

EA News Author

Prome minister evelyn wever – croes: A firma letter of intent (loi) entre refineria di aruba (rda), quanten consortium y eagle lng

EA News Author

Leave a Comment

Whatsapp Message