Awe merdia Hof di Corte Superior a dicta sentencia den e apelacion di Nelson de Andrade (Speed) y e apelacion di Ministerio Publico contra su condena.
Por a compronde cu Hof no a sigui exigencia di Procurador General (PG) sino a bay di acuerdo cu e peticion
Ta asina cu Hof tabata via video conference o sea cu Hof tabata na Curacao y abogadonan tabata den sala di Corte di Aruba. Speed no a presenta den Corte pero si su abogadonan mr Carlo y mr. Illes.
Hof a bisa cu Procurador General (PG) a apela e sentencia. Hof a mustra cu PG a bisa cu tin palabracion cu abogadonan di Speed, cu lo trata riba e castigo y no bringa riba prueba. PG a bisa cu a apela e sentencia pasobra e ta haya e castigo mucho abao. El a mustra cu Speed a haci esaki durante su tempo di prueba. PG a mustra cu riba radio di Polis, Polis ta papia di cosnan secreto y door di ta scucha por frusta accion di Polis. PG a exigi 18 luna di prison di cual 6 luna ta condicional. Esey ta nifica cu Speed lo mester a bay 12 luna sera den prison. Abogadonan a pidi Hof pa duna Speed mas castigo condicional, esta 18 luna y 240 ora di trabao y dun’e un chens mas.
SENTENCIA
Hof a bisa cu e ta tene cuenta cu Speed a reconoce cu el a haci malo y a bisa cu si e bay sera tur su carera ta kibra. Hof ta haya cu Speed ta compronde cu loke el a haci ta malo. Tambe cu Speed a bisa cu e tin bon comunicacion cu Polis y ta coopera cu Polis. Hof no a sigui e exigencia di PG. Hof a bay di acuerdo cu peticion di abogadonan. Hof a condena Speed na 18 luna di prison cu 3 aña di prueba y 240 ora di trabao pa comunidad. Hof a bisa cu si Speed no cumpli cu e trabao pa comunidad, e lo mester bay 120 dia sera.
