Featured Accidente Suceso

Aruba a conoce su di dos morto den trafico


Awe tardi pa 1:57 pm central di polis ta wordo notifica di un accidente frontal entre dos auto na altura di Cura Cabay na San Nicolas. Patruya ta despacha cu maximo urgencia pa e sitio di accidente. Na yegada di e sitio polis ta pidi presencia di ambulance cu maximo urgencia. Lamentablemente personal di ambulance no por a haci nada mas pa e chauffer masculino.
Pa 3:15pm Dr. Texier ta constata morto di J. DAVIS , naci na Aruba di 57 aña di edad.
Specialista di trafico y polis tecnico a yega na e sitio pa haci nan investigacion. Slachtofferhulp tambe a acudi na e sitio pa brinda sosten na e famianan cu ta involucra den e accidente pisa aki.
Cuerpo Policial Aruba ta manda palabra di profundo condolencia na famia di e fayecido. Un mensahe na tur chauffeur pa bay trankilo den trafico. Bo famia ta warda bo na cas.

Related posts

Kambio di fecha pa repatrishon pa Venezolano a bira riba 21 febrüari 2021

EA News Author

Cu determinacion pa hiba nos pais dilanti den e siguiente gobernacion

EA News Author

A habri registrashon pa bakunashon na callcenter i wèpsait Personal den kuido i hendenan riba 60 aña na bùrt

EA News Author

Leave a Comment