Crisis Team despues di evalua e risico cu Aruba ta core den e temporada di vakantie grandi aki, unda hopi local ta biahando pa exterior y tambe hopi turista ta biahando pa Aruba.
A tuma e decision di trece cambio den e Ministeriële Regeling nobo cu ta drenta na vigor entrante 17 di juli y e cambio ta ensera cu tur persona sea residente of turista cu ta biaha pa Aruba for di un pais cu ta cay bou di e consideracion di ta un pais di riesgo halto, mester haci un PCR test sea 72 ora prome cu biaha of na su yegada na Aruba y keda den cuarentena en espera di resultado apesar di ta vacuna cu dos vacuna.
E cambio di maneho aki ta di sumo importancia mirando e aumento di casonan di COVID-19 ocaciona pa e variante di DELTA den otro paisnan.
Paisnan cu ta wordo considera di risico ta halto ta:
Seychelles; Cyprus; Fiji; Mongolia; Tunisia; Namibia; United Kingdom; Colombia; Cuba; Kuwait; Argentina; Spaña; Botswana; Zuid Africa; Netherlands; Oman; Georgia; Costa Rica; Portugal; Malaysia; Panama; Surinam; Andorra; Brasil; Maldives; Kyrgystan; Iran; Iraq; Luxemburg; Lybia; Paraguay; Grecia; Uruguay; Rusia; Kazakhstan; Malta; United Arab Emirates; Chile; Saint Kitts & Nevis; Monaco; Indonesia; Zimbabwe; Guatemala; Bahamas; Trinidad & Tobago; Irlanda y Dinamarca.