Ku hopi plaser Tourism Corporation Bonaire (TCB) ta anunsiá e skema di buelo internashonal pa e temporada di wenter 2025-2026, ku konekshonnan fuerte i mas buelo na Merka, Oropa i den region.
Nortamérika
American Airlines ta ofresé buelo diario for di Miami durante e periodo di mas drùk for di 17 di desèmber 2025 te ku 5 di yanüari 2026, inkluyendo dos buelo riba djasabra. Pafó di e periodo mas drùk akí, American Airlines ta sigui ehekutá kuater buelo pa siman riba djaluna, djárason, djabièrnè i djasabra.
Delta Air Lines for di 20 di desèmber 2025 te ku 4 di yanuari 2026 lo ehekutá tres buelo pa siman for di Atlanta riba djaluna, djasabra i djadumingu, komo parti di su oferta mará na temporada di wenter. Despues e buelonan ta riba djasabra i djadumingu, entre 10 di yanüari 2026 i 31 di yanüari 2026.
United Airlines for di 1 di novèmber a reanudá su buelo di tur siman riba djasabra for di Newark (EWR). Su buelo di tur siman riba djasabra for di Houston (IAH) ku regreso riba djadumingu lo kontinuá durante henter aña.
WestJet for di 9 di desèmber 2025 ta bai reintrodusí su buelo direkto for di Toronto, ku buelo tur siman ku yegada riba djamars na Boneiru i e buelo di regreso pa Toronto ta riba djárason. E konekshon direkto akí ta ofresé tambe un opshon kumbiniente pa habitantenan di Boneiru ku ke bishitá Canada. E ta brinda akseso fásil na e vibrante sentro di suidat di Toronto i na atrakshonnan di wenter. Bo por bishitá atrakshonnan kultural, hasi kompra, disfrutá di nan oferta di restorant i tin diferente konekshon ku vários parti di e pais, loke ta habri un porta direkto pa biaheronan lokal ku ta buskando eksperensianan nobo na Nortamérika.
JetBlue ta kontinuá ku su buelo di tur siman riba djasabra for di New York (JFK). E último buelo di e temporada akí ta planiá pa 3 di yanüari 2026.
Oropa
KLM ta mantené su buelo diario for di Amsterdam. Entre 19 di desèmber 2025 i 15 di mart 2026 esaki ta bira dos buelo pa dia riba djabièrnè i djadumingu.
TUI ta ehekutá sinku buelo pa siman for di Amsterdam riba djaluna, djárason, djaweps, djabièrnè i djasabra, inkluyendo tres dia ku buelo direkto pa Boneiru.
Corendon ta ofresé dos buelo pa siman for di Amsterdam riba djamars i djadumingu.
Konekshonnan regional
SKYhigh Dominicana ta kontinuá ku su buelo di tur siman riba djabièrnè for di Santo Domingo.
Air Century lo tin vuelonan riba djárason for di Aeropuerto Internacional La Isabela na Santo Domingo, kuminsando 17 di desèmber 2025 te ku 21 di yanüari 2026.
Winair ta ehekutá tres buelo pa siman ku ta konektá Boneiru ku Kòrsou i St. Maarten riba djaluna, djárason i djabièrnè, ku regreso riba djadumingu, djamars i djaweps.
Nos partnernan lokal Divi Divi Air i ZAir ta mantené nan buelonan diario ku ta konektá Boneiru ku Kòrsou i Aruba.
For di awor por reservá tur buelo pa e temporada di wenter 2025-2026. Pa mas informashon, biaheronan por akudí riba wèpsait di nan kompania aéreo preferí.