E promé kaso probabel di Monkeypox detektá na Kòrsou, a keda konfirmá. Ta trata di un persona ku a regresá resientemente for di eksterior. E promé tèst, realisá na Kòrsou, i e di dos tèst, realisá na Hulanda. Tur dos a sali positivo pa e vírùs di Monkeypox.
E persona ta aktualmente den isolashon. Siguiendo e protokolnan vigente, departamento di Epidemiologia (EPI) i departamento di Infectieziektebestrijding (IZB) di Servisio di Salú Públiko di Kòrsou (UO G&Gz, ántes GGD) ta sigui tur e pasonan nesesario pa kontené transmishon di e vírùs di hende pa hende mas tantu posibel.