Directiva di Planificacion y Desaroyo riba diahuebs 1 di october a tene un reunion cu arquitectonan, diseñadornan di construccion y otro profesionalnan tocante e reglanan di construccion na Bonaire. Directiva di Planificacion y Desaroyo ta trahando riba actualisacion di e reglanan aki y kier a habri espacio pa scucha cual ta e preguntanan y e puntonan problematico cu e profesionalnan aki ta topa cu ne den practica.
Durante un sesion informativo anterior, e participantenan a indica cu nan tin mester di mas claridad tocante e reglanan di construccion. Pa e motivo aki, Directiva di Planificacion y Desaroyo a organisa un reunion aparte tocante e topico aki. E participantenan por a haci pregunta, debati tocante ehempelnan for di nan trabou diario y indica cual ta e reglanan cu segun nan mester di mas clarificacion of adaptacion.
Directiva di Planificacion y Desaroyo lo inclui e preguntanan y puntonan di atencion cu nan a recopila den e proceso di actualisacion di e reglanan di construccion. Tambe e directiva ta mirando con nan por ofrece informacion tocante construccion y permiso na un manera mas claro. Tocante esaki, Directiva di Planificacion y Desaroyo lo keda den dialogo cu e profesionalnan di e sector aki.
