E prome beton di e Soualiga Marketplace nobo ta na su luga caba, despues di e botamento di su fundeshi y e vloer di beton, cu Minister di Turismo, Asuntonan Economico, Transporte y Telecomunicacion Grisha Heyliger-Marten presente pa presencia e momento aki.
E trabou riba diahuebs ta move e proyecto for di su etapa di preparacion pa drenta den e construccion completo. Den e simannan cu ta bin, publico lo cuminsa mira e structura mes tuma forma.
Minister Heyliger-Marten a declara: “E ta un luga caminda hende ta gana nan pan di cada dia, caminda bishitantenan ta topa cu algo autenticamente di St. Maarten, y caminda nos comerciantenan chikito mester por traha cu dignidad y confiansa. E fundeshi cu a wordo boti ta nifica cu nos ta moviendo mas leu di plannand y procedimentonan, drentando den un fase caminda hende por mira finalmente e Soualiga Marketplace nobo bira un realidad.”
E proyecto a rekeri lunanan di trabou den coordinacion di diseño, revision di tecnica, permiso, administracion di contrato y financiamento prome cu e construccion por a avansa te na e punto aki. TEATT a confirma cu e materialnan principal mester pa e proximo etapanan ta riba e isla caba, permitiendo cu e actividad den y rond di e sitio lo aumenta.
Heyliger-Marten a bisa cu e foco di e Ministerio ta riba entrega di un merkado cu ta sirbi e bendedor/vendedor di e manera corecto mientras e ta mehora un parti importante di e experiencia di e bishitantenan na Philipsburg.
“Nos no mester ta satisfecho cu simpelmente reemplasa un structura,” el a bisa. “Nos bendedornan merece un merkado cu ta practico, acogedor y digno di e producto y servicionan cu nan ta ofrece. Bishitantenan di St. Maarten mester bay cu un conexion mas fuerte cu e hendenan y e empresanan tras di nos destino.”
E Soualiga Marketplace nobo ta planea pa inclui un mehoracion den accesibilidad, infraestructura modernisa, miho circulacion pa peatón y facilidadnan publico, creando un ambiente mas organisa y moderno pa e bendedornan local.
Mientrastanto e construccion ta intensifica, e Ministerio ta pidi automobilistanan y peatónnan pa respeta bareranan, señalnan y indicacionnan di trafico den y rond di e area di proyecto. Parcheamento riba sidewalk o den zonanan restringi di construccion ta prohibi y por hiba na accion di ecomprobacion, incluyendo e towing di auto.
TEATT lo continua di actualisa e bendedornan y publico mientras e mehoracion y reconstruccion ta avansa.
