Durante e proksimo tres simannan, 184 militar Hulandes di Ehersito Real di Hulanda ta trein na Curaçao y Aruba komo parti di e ehersisio anual di ‘Caribbean Engineer’. Personal di 103 Kompania di Konstrukshon (parti di 101 Bataljon di Ingeniero) ta traha na nan abilidatnan tékniko den kondishonnan tropikal i ta ehekutá vários tarea riba sitionan di Ministerio di Defensa i pa e komunidat lokal.
Pa e ingenieronan di kombate, e ehersisio anual aki ta ofresé un oportunidat pa praktiká nan kompetensia bou di kondishonnan di klima difísil.
Trabou na Curaçao
Durante e ehersisio, e sòldánan ta trahando riba un variedat di proyektonan tékniko. Na Curaçao, nan ta ekspandiendo e shelter di vehikulo na Base Naval Parera. Nan ta nivelando tambe e áreanan di parker na e Asosiashon di Deporte Akuátiko di Brakkeput i ta mehorá e dos kamindanan prinsipal na e tereno di entrenamentu di Wacawa. Adisionalmente, e soldanan ta instalando panelnan solar riba e dak di Forward Operating Base Maduro, tambe situá na Wacawa.
Un parti di e ehersisio ta dediká tambe na e komunidat lokal. E sòldánan ta ehekutando vários tarea na e sentro di kuido i tratamentu pa hende grandi di Betesda, manera remplasá aparatonan sanitario i aparatonan di lus i mehorá instalashonnan eléktriko.
Trabou na Aruba
Na Aruba, operando for di e Kazèrne di Marina di Savaneta, e ingenieronan di kombate ta ehekutando diferente tarea na e pueblo di entrenamento, optimalisando asina e fasilidatnan di entrenamento.
E sòldánan ta usando un rango di mashinnan pisá pa e tareanan aki. Aasina durante e próksimo simannan, nan lo wòrdu mirá ta operá skòp, trùknan, ekskavadónan, kran, bulldozernan i ròlnan di vibrashon. E uso di e ekipo aki ta permití nan realisá operashonnan ekstenso.
E ehersisio di ‘Caribbean Engineer’ ta permití e ingenieronan di kombate pa mantené nan kompetensia tékniko. Na mes momento, nan aktividatnan ta kontribuí na sitionan di defensa, fasilidatnan di entrenamentu i e komunidat lokal.