Awe den oranan di atardi a drenta un notifikashon na Sentro Operashonal Marítimo di
Wardakosta ku un persona ku a bira malu na Klein Kòrsou lo mester ser trasladá pa hospital. E
señora, un turista di 55 aña, a bira malu durante di su bishitá na Klein Kòrsou.
Mesora después di e notifikashon Wardakosta a tuma kontakto ku e dòkter di CITRO ku a
konsehá pa buska e señora ku e helikòpter pa hib’é hospital pa tratamentu. Wardakosta a dirigí
e helikòpter pa transportá e persona akí mas pronto posibel Klein Kòrsou pa e por bai hospital,
pa asina e risibí tratamentu médiko. Na yegada di e helikòpter na Hato un ambulans a transport’é
pa hospital. Wardakosta ta deseá e persona un pronto rekuperashon.
Wardakosta su helikòpter ta buska persona ku a bira malu na Klein Kòrsou
