Corsou ta mira futuro cu Hulanda y a presenta Introduccion di un Programa di recuperacion nacional y desaroyo nacional

Gobierno cu mira riba un cooperacion sano, fructifero y duradero cu Hulanda a pone su mes na altura di e ‘puntonan di lansa den e asina yama “Plan di recuperacion di Corsou” cu tin como obhetivo pa duna un contribucion substancial na fortifica nos estado di derecho.

Specialmente e punto di fortificacion di e proteccion di nos frontera, cu mira riba evita entrada di personanan cu ta drenta nos isla di forma ilegal y evita importacion di productonan manera armanan di candela, droga y trafico di hende cu ta forma un menasa grandi  pa nos siguridad nacional, lo ta un prioridad den e periodo di gobernacion nobo

 

Pa loke ta trata e otro areanan menciona den ‘Plan di recuperacion di Corsou’ lo evalua esakinan hunto cu Hulanda y caminda ta necesario lo adapta y /of amplia esakinan di forma cu realmente e ta beneficia e cadena hudicial.

 

Banda di palabracionnan riba e tereno represivo ta e intencion pa incorpora trayectonan di reforma preventivo y di resosialisashon tambe den e pakete. Centro di ubicacion ilegalnan Lo finalisa y operashonalisa ampliacion di un centro caminda personanan cu drenta nos isla di forma ilegal por keda ubica temporalmente, cu ta cumpli cu normanan internacional di derecho humano. E meta final ta pa di acuerdo cu nos leinan local repatria e personanan aki mas pronto cu ta posibel pa nan pais di origen.

 

Mantencion di cumplimento cu ley y orden publico.

Mantencion ley y orden publico, pa di e forma aki salvaguardia un condicion basico di siguridad, ta esencial pa funcionamento di nos comunidad. Esaki ta aumenta e sintimento di siguridad en general y posiblemente lo e tin un impacto positivo riba calidad di bida di e ciudadano.

Husticia su maneho lo ta dirigi riba e concepto di ‘siguridad integral’, dor di entre otro envolvi e habitantenan den actividadnan pa combati criminalidad den e diferente barionan. Den esaki lo haci uzo di e asina yama“buurtregissers”.

 

Control fisico y pa medio di camara.

Hopi control dor di autoridad y un maneho rigido pa combati posesion di arma, droga, atraco, robo di auto, corupcion, traficacion di hende y violencia en general. Banda di e control fisico lo caba di formalisa e leynan concerni pa por haci uzo mas optimal y efectivo di vigilancia di camara na luganan hopi frecuenta pero riba plaso medio y largo tambe den barionan.

Mehoracion di e” inrichtingsplan di KPC”

 

Mester fortifica e mando policial pero tambe e asina yama “middenkader”.  Den

palabracion cu sindicatonan mester yega na “the right man or woman on the right place”.

Tambe lo mester re- evalua algun puntonan di salida di e “inrichtingsplan” di forma cu ta

yega na algun funcionnan generico di forma cu e cuerpo por funciona mas flexibel,

eficiente y efectivo.

 

Mehora capacidad operacional

Den cuadro di fortificacion di nos estado di derecho ta importante pa yena e funcionnan

critico tanto na cuerpo policial como na “Landsrecherche” pa e organisacionnan di

ehecucion aki por haci nan trabou debidamente.

 

Evalua y fortifica e organo di intercambio di informacion Pa por combati criminalidad di un forma mas efectivo ta importante pa por hiba un maneho“data driven”. Pa logra esaki ta importante fortifica e plataforma di intercambio di informacion cu ta consisti di diferente instancia riba tereno di reprecion y mara esaki na un “dashboard” digital cu  ta sincronisa cu otro. Esaki lo resulta den formulacion di maneho mucha mas dirigi, den un miho acercamento strategico di temanan importante y un cooperacion duradero entre tur actor envolvi.

 

 

Resocialisacion y re- integracion den nos comunidad di detenidonan.

E maneho di rehabilitacion lo duna atencion dirigi na ampliacion di e posibilidad nan pa resocialisacion i re- integracion di hobennan y adultonan cu a bini den contacto cu husticia. Detencion tin metanan cu ta surpasa simplemente castiga e delincuente y (temporalmente) proteha e  comunidad.

 

Guia durante detencion: Durante su estadia den Centro di Detencion y Coreccion Corsou e detenido lo mester wordo condiciona pa medio di un programa di resocialisacion balansa y na midi di tal forma cu na su regreso den comunidad e lo ta util,  di moda cu e por participa facilmente na e proceso social y laboral. Pa logra esaki lo inverti den un infrastructura adecua, e personal  y e asina yamá“leerwerktrajekten”. E  intencion ta pa minimalisa recidivismo. Banda di esaki nos ta di opinion cu e ex detenido merece un di dos oportunidad.

Guia despues di detencion: Na momento cu e ex detenido sali for di prizon e mester haya e guia ambulante necesario pa e por re- integra den comunidad di forma exitoso. E institutonan cu ta encarga cu resocialisacion ambulante di ex detenidonan tin un tarea hopi importante den esaki. Pa por logra un guia optimal e funcionnan critico di “reclasseringswerkers” mester keda yena cu profesionalnan apto pa haci e trabou di guia y resocialisacion di ex detenidonan.