Awe, djadumingu 30 di mart, alrededor di algu pa 12 or di mèrdia, ‘meldkamer’ sentral a risibí notifikashon ku un trùk ku ta transporta gasoil a bòltu na altura di Karpata. Polis, ambulans i brantwer a akudí na e sitio. Na yegada di e servisionan aki ya kaba un turista ku tabata na e sitio a logra saka e shofùr for di e trùk i a kuminsa duné asistensia médiko. Djey personal di ambulans a tuma over pa despues transportá e shofùr pa hospital pa asistensia médiko. Personal di brantwer a segura e vehíkulo pa prevení ke ta pega na kandela. Polis a sera e kaminda i a dirigí e trafíko. Un kantidat grandi di e gasoil ku e vehíkulo tabata transportando a resultá den awa. Stinapa ta atendiendo e parti di e derama di e gasoil tantu riba tera komo den laman.
Trùk ku ta transporta gasoil a bòltu na altura di Karpata
