Abogado Desiree Croes ta señala cu e caso di Mike de Meza a siña su bufette hopi cos principalmente hopi riba e parti di impuesto. Pero danki na abogado Rita cu ta parti di e team por a compronde y siña hopi di impuesto. Ley ta un tereno hopi amplio cu na su bufete ta haci masha poco debi cu ta enfoca mas den strafrecht , pero na mes momento e ta sumamente interesante pa por mira e caso mas di cerca , e ta un enseñansa cu ta keda na oficina.
Sinembargo cada rato loke cu ta bin dilanti ta cu “tin rason “ no ta significa “haya rason “, esaki tambe ta un enseñansa cu mester hiba pero tambe mester tin hopi pasenshi. Den e caso di Mike de Meza pa 1 aña y mey tabatin hopi pasenshi unda cu a manda 20 carta pero lastimamente un 50 pa 60 % di e cartanan no a keda contesta. Sinembargo tabata molestia hopi pa por haya un contesta pa haci mas pura y mas lihe.
Loke cu tambe a resalta ta cu e ministerio publico cu tabatin prome na juni y e ministerio publico cu a haya diabierna siman pasa tabata full diferente. Un mnisterio publico hopi mas habri pa scucha y a laga papia mas di banda di Mike de Meza compara cu e prome biaha cu no a laga papia.
Sinembargo e imprecion cu mi persona como abogado tin ta cu nan mes tambe como ministerio publico kier a Sali y na mes momento scapa cara un poco, pero loke ta importante den hentere proceso aki cu Mike de Meza no mester a admiti un tipo di culpabilidad.