Minister di Turismo, Asunto Economico, Trafico y Telecomunicacion (TEATT), Honorabel Grisha Heyliger-Marten, ta felicita Sra. Makayla Cooks cu orgullo pa su seleccion pa e Florida-Caribbean Cruise Association (FCCA) pa su Iniciativa di Mentoria pa Hoben Muher.
E seleccion di Makayla ta sigui un proceso di nominacion local minucioso hiba na caba pa e Ministerio di TEATT. E Ministerio a ricibi 25 aplicacion, di cual 13 candidato a wordo invita pa participa den e ronda di presentacion (pitch). Seis candidato a presenta dilanti e Comite di Seleccion, despues di cual tres hoben muher a wordo nomina na FCCA pa e consideracion final. Despues di un evaluacion independiente, FCCA a selecciona Makayla pa e oportunidad valioso aki.
Makayla a destaca su mes pa medio di su creatividad, confiansa, habilidadnan di comunicacion y su potencial di liderazgo demostra. Como un recien graduada di HAVO, el a adkiri experiencia den turismo, planificacion di evento y marketing labrando su caminda cu e Programa BOP di Gobierno di Sint Maarten. E ta sirbi tambe como Oficial di Relacion Publico pa Sint Maarten Alpha Leos y como Lider di Grupo y Manager di Red di Comunicacion pa Teen Times, pa nombra algun.
“Esaki ta un oportunidad increibel pa Makayla siña di muhernan exitoso den e industria global di crucero, amplia su conocemento y fortalece su habilidadnan profesional y di liderazgo. Makayla, bo a haci Sint Maarten orguyoso caba door di haci e paso padelanti, presenta bo mes cu confiansa y gana e seleccion aki. Abraasa cada leccion, conexion y experiencia cu bin bo caminda. Esaki no ta solamente un reconocemento di bo potencial; e ta un otro paso importante den bo crecemento y e futuro briante cu ta bo dilanti,” Minister Heyliger-Marten a declara.
E Minister a elogia tambe tur e hoben muhernan cu a aplica y a participa den e proceso di seleccion, notando cu nan ambicion, corahe y boluntad pa busca oportunidadnan nobo ta refleha e futuro prometedor di e hoben muhernan di Sint Maarten.
E Iniciativa di Mentoria pa Hoben Muher di FCCA ta brinda e participantenan guia di lidernan femenino di alto nivel den e industria di crucero, desaroyo profesional, exposicion na e industria, oportunidadnan di haci conexion (networking) y un bista den carreranan den turismo y e sector di crucero.
