Awe Parlamento di Aruba a bolbe bira escenario di un debate tenso y rondona pa polemica, caminda e actuacion di Minister Gerlien Croes a haya critica severo. Sectornan critico den e ambiente politico ta señala cu e mandatario ta demostrando un actitud di arogancia, faltando e debido rendimento di cuenta cu un minister mester duna na e organo soberano di e pais. Minister Gerlien Croes ta un berguansa politico pa Pais Aruba.
E criticanan no ta keda solamente riba e minister. Masha hopi observador y miembronan di oposicion ta cuestiona tambe e papel di e presidente di Parlamento, kende ta wordo acusa di apoya un estilo di liderazgo autoritario cu no ta cuadra cu e principionan democratico di Pais Aruba. Na luga di garantisa cu e reglanan y leynan di e cas di pueblo wordo respeta strictamente, e coalicion di AVP ta wordo critica pa apoya su posicion y tolera e comportamencion aki pa proteha e mandatario.
E tension politico aki a bin ta escala desde e momento cu Gerlien Croes a tuma e decision di bandona e partido AVP pa forma e movimiento FUTURO, e cual hopi ta considera un aliansa mas directo of continuacion di e mesun liña politico di AVP , un hala di AVP . Durante e reunion di awe, e ambiente den e sala di Parlamento a bira mas insoportabel ainda: mientras discursonan yen tenso y senalando e obligacion abase di regla y ley den parlamento na e presidente di parlamento y e minister Gerlien Croes cu ta kere cu e por haci loke cu e kier den cas di pueblo tabata tuma luga, e actitud di e minister a provoca reaccion di rabia momento cu e tabata wordo mira ta hari di e situacion y hasta a filma e discusionnan den parlamento na momento cu e ta e persona cu a crea e discusion nan aki.
E sucedido aki awe den Parlamento ta bolbe haci e cuestionamento di poder, transparencia y e nivel di debate politico den e pais mas bibo cu nunca, marcando un momento di profundo division den nos politica nacional.
Minister Gerlien Croes ta pasa pa historia politico di ta e minister y e partido cu mas problema y confusion y practica contra ley a wordo haci bou di su maneho. Un berguensa nacional y internacional.
