ACE Foundation ta kontentu i ta bai selebrá e klousura di Siman di Muzik pa Mucha ku hopi ambiente. JSYNC Music di Kòrsou ta bai debuta na Boneiru, den un show huntu ku e hobennan talentoso di ACE Teens di Boneiru.
Despues di un siman yena ku tayer kreativo i presentashon musikal na skolnan, e punto final ta yega ku un gran showcase musical. E aña aki ta selebra kuater aña di Siman di Muzik pa Mucha.
JSYNC Music ta forma pa tres yu di e legendario musiko Boneriano, Xemio Jacobs. Famia Jacobs ta hunga un rol prominente den e produkshonnan musikal di ACE huntu ku Tata Xemio i yu hòmber grandi Xechel Jacobs. E tres hobennan Zoukaino, Melody i Xhyshaun Jacobs ta duna bida na kansionan ku a wordu komponé spesial pa nos mucha-nan. Kansionan manera Indjan Arowak, Boneiru, Ban Kuidá Naturalesa i e tema ofisial di siman di muzik pa mucha: “Ma Soña, lo forma parti di e show.
Durante di e siman”tras di lomba, varios hoben a partisipá den un workshop di komposishon musikal, dirigi pa Xechel Jacobs, kaminda nan mes a skibi i komponé nan propio kansionan. Tur esei lo wordu presentá den e show final di djasabra.
Informashon di Evento:
- Fecha: Djasabra 24 di mei 2025
- Orario: 18:00 – 20:00
- Luga: Creative World
Transmisión i Registrashon:
Bo por sigui e show online si bo no por yega na evento:
- Facebook: com/acebonaire
- YouTube: ACE Bonaire Channel
Durante e evento ACE lo lansa nan website ofisial, i anunsiá e lansamentu di un radio nobo online pa mucha: “Kiddie Beats Radio” – un plataforma edukativo musikal spesialmente pa mucha.
Tur hende ku tin un amor pa muzik, kultura i desaroyo di hoben ta invità pa ta presente i selebrá ku nos!
Pa mas infomashon i registrashon, bishita nos pagina sosial facebook i instagram.
