“Un Sint Maarten mas fuerte, mas inteligente y mas resiliente,” asina e Honorabel Prome Minister y Minister di Asuntonan General, Dr. Luc F.E. Mercelina, a declara ora el a duna bon bini na e lansa-mento oficial di e Sistema di Maneho di Datonan di Adres (ADMS) awe.
E lansa-mento aki ta marca un otro logro grandi bou di e Proyecto di Transformacion di Gobierno Digital (DGTP) y ta representa un fito significante den e esfuersonan continuo di modernisacion di Gobierno di Sint Maarten pa mehora servicionan publico pa medio di inovacion digital.
E Sistema di Maneho di Datonan di Adres ta establece un base di dato centralisa y di autoridad pa adresnan rond di Sint Maarten, garantisando cu cada cas, negoshi, caminda y localidad di edificio wordo registra y manteni di un forma preciso den un solo sistema confiabel.
“Como gobierno, nos ta sigui inverti den solucionnan cu ta fortalece nos institucionnan, mehora entrega di servicio y eleva e calidad di bida di nos hendenan,” Prome Minister Mercelina a afirma. “E Sistema di Maneho di Datonan di Adres ta un bloki di construccion critico den nos biahe di transformacion digital y lo sostene gobernacion mas inteligente y un miho reaccion den caso di emergencia pa añanan cu ta bini.”
Beneficionan Clave di e Sistema Nobo
Diseña uzando e plataforma tecnologico ArcGIS di Esri, e sistema ta crea un solo fuente di confiansa pa informacion di adres cu por wordo comparti entre departamentonan di gobierno, servicionan di emergencia, proveedornan di utilismo y otro partidonan interesa.
Siguridad Publico: E sistema lo premira cu respondidornan di emergencia (polis, bombero y ambulans) por localisa adresnan mas rapido y preciso durante emergencianan, heracannnan y situacionnan di desaster, reduciendo e tempo di reaccion.
Sostener Ministerio di VROMI: Pa e Ministerio di Vivienda Publico, Planificacion Spacial, Medio Ambiente y Infrastructura (VROMI), e sistema ta brinda un herment clave pa mantene registronan di adres preciso, apoyando e departamento di permiso, maneho di tera y iniciativanan di desaroyo den futuro.
Ventaha pa Ciudadano y Negoshi: E comunidad lo beneficia di adresnan mas exacto, miho entrega di carta y pakete, miho servicionan di navegacion y un acceso mas eficiente na servicionan di gobierno.
Cooperacion Organisa y Alianza
E ceremonia di awe a marca tambe e traspaso oficial di e Solucion di Maneho di Adres na e Departamento di Permiso di VROMI. Durante su discurso, Honorabel Patrice Gumbs, Minister di VROMI, a duna balor na e datonan spacial y di adres exacto pa un gobernacion efectivo.
Un di e momentonan mas importante di e ceremonia tabata e firmamento oficial di un acuerdo entre Ministerio di VROMI y Kadaster St. Maarten, representa pa Minister Patrice Gumbs y sr. Benjamin Ortega, Director di Kadaster St. Maarten. Pa medio di e colaboracion aki, Kadaster lo uza e sistema pa strengthens e conexion entre adresnan oficial, propiedadnan, terenonan y edificionan.
Reconocemento Internacional (SAG Award 2026)
E evento a conclui cu palabranan di sr. Femi Badejo, Lider di Proyecto di e Equipo di Liderasgo Digital y Hefe di e Departamento di ICT di Gobierno. Den un anuncio sorpresivo, sr. Badejo a revela cu Gobierno di Sint Maarten a wordo selecciona como ganando di e premio SAG (Special Achievement in GIS) 2026, un reconocemento internacional cu ta honra logronan sobresaliente den uzo di tecnologia di Sistemanan di Informacion Geografico (GIS). E ceremonia di premio lo tuma luga na e User Conference na San Diego.
E iniciativa di e Proyecto di Transformacion di Gobierno Digital (DGTP) ta wordo financia pa e Banco Mundial via e Sint Maarten Trust Fund (financia pa Gobierno di Hulanda), cu sostene di e National Recovery Program Bureau (NRPB) y ehecuta pa e Equipo di Liderasgo Digital (DLT) di Gobierno.
