Riba djaweps 13 di mart 2025 e kòmbersashonnan di mesa di klima ta ranka sali na
Boneiru. E inisiativa importante akí ta trese ekspertonan, organisashonnan i komunidat huntu pa atendé
ku kambio di klima na nos isla. E kòmbersashonnan ta forma e base pa tantu un intenshon di klima komo
un plan konkreto di klima pa Boneiru.
Seis tema ta sentral den e diálogo
E Grupo di Proyekto Mesa di Klima Boneiru bou di guia di Nolly Oleana ta organisá e kòmbersashonnan
di mesa di klima. Durante luna di mart i aprel e enkuentronan ta tuma lugá semanalmente riba djaweps. E
kòmbersashonnan ta enfoká riba seis área krusial:
Awa
Kuminda
Naturalesa i Medio
Ambiente
Biba i Traha
Infrastruktura i
Energia
Hende i Kultura
Den fase
E proseso ta konsistí di dos fase. Den e promé fase ta invitá 40 stakeholder importante pa yuda pensa
tokante solushon i strategia. Den e di dos fase e komunidat mas amplio, entre otro siudadanonan i
organisashonnan mas chikitu, ta haña oportunidat pa laga skucha nan bos i duna nan aporte.
Traha huntu pa logra un Boneiru robusto pa klima
Meta di e kòmbersashonnan di mesa di klima ta pa traha konhuntamente riba un vishon klarito i
medidanan konkreto kontra kambio di klima. E inisiativa akí ta brinda tantu ekspertonan komo komunidat
di Boneiru un oportunidat pa huntu edifiká un futuro sostenibel i resiliente pa Boneiru.
Partisipá i yuda pensa!
Bo ta interesá den e proseso òf bo ke partisipá na e kòmbersashonnan? Tuma kontakto ku nos via
info@klimaattafel-bonaire.com i kontribuí na futuro di nos isla!
E organisashonnan i stakeholdernan enbolbí den e promé fase:
Nos a invitá e siguiente organisashonnan i stakeholdernan pa partisipá na e promé fase di e
kòmbersashonnan di mesa di klima:
Asosiashon di Banko
Boneiru
Bon Bèrdè
Bonaire Bon Transitions
Bonaire International
Airport
BONHATA
Kuerpo di Bombero
Hulanda Karibense
Cargill
Caribische
Speleologische
Maatschappij
Contour Global
Curoil
Dutch Caribbean Nature
Alliance
Echo
FuHiKuBo
Fundashon Cas
Bonairiano
Fundashon Mariadal
Janssen de Jong
Jong Bonaire
Kámara di Komèrsio
Boneiru
Kuerpo Polisial Hulanda
Karibense
Kriabon
Majo BV
Mangazina di Rei
Nature Platform
Entidat Públiko Boneiru
Piskabon
Reef Renewal
Foundation Bonaire
R.K. Schoolbestuur
Bonaire
Roosdom Tijhuijs
Scholengemeenschap
Bonaire
Sea Turtle Conservation
Bonaire
Selibon
Sentro Akseso
Stichting Openbaar
Onderwijs Bonaire
Stichting Internos
STINAPA
Tera Barra
Tourism Corporation
Bonaire
Grupo di Trabou di
Unesco
Water- en Energiebedrijf
Bonaire
World Wildlife Fund
Huntu nos ta hasi e diferensia!