E sindikato ABFBW djabièrne a gana e referendum entre ABVO i AFBW pa sa si ABVO ta keda representá e trahadó di Selibon N.V. den e duelo ku a surgi òf ta AFBW pa ta e representanté nobo. Den u forma konvinsente AFBW a gana e referèndem ku 44 voto pro AFBW i 22 vota ayera tardix9. Pa ABVO ku a keda kòrtiko apesar ku dirigentenan di ABVO Kòrsou tabata presenté na Boneiru pa duna sosten, pero mayoria trahadó di SELIBON a bisa un no fuerte ku nan no ke ABVO mas komo nan representante sindikal.
Di e 73 trahadó nan ku por a vota, 44 empleado a skohe pa AFBW i 22 a skohe pa ABVO. Esaki ta nifiká ku entrante ayera ABVO lo no representá e trahadónan di e kompania mas, pero AFBW ta e representante. E referendum ta pone un fin na un periodo basta turbulento, kaminda ku for di basta dia AFBW tabata disponivel pa representá mayoria di e empleadonan. Selibon, na su turno, a bisa ku e ke mira esaki konfirmá pa un referendum.
Banda di 3 ‘or i mei a kaba di konta e votonan, ku e resultado manera menshoná. Presidente di AFBW, Cherrel Kwidama a bisa ku e la keda impresioná ku e resultado. “Tremendo, esaki so mi por bisa”, asina Kwidama a bisa. E presidente a mustra tambe riba e echo ku e sindikato ta bai kumpli 44 aña di eksistensia den novèmber benidero, i awor ta resultá ku 44 empleado di Selibon a vota pa e sindikato
