Featured General Aruba Turismo

AHATA yudando miembronan pa ta miho prepara pa emergencia


Aruba Hotel & Tourism Association (AHATA) a organisa un training di maneho di crisis den colaboracion cu Bureau Rampenbestrijding Aruba.

E training di dos (2) dia tabata ofreci na miembronan di AHATA y a tuma luga dianan 24 y 30 di juni na Aruba Marriott Ballroom.

E meta di e curso aki tabata pa empresarionan mehora nan habilidad pa fungi como un planificado di nan propio ‘Incident Management Team’ y pa desaroya un plan cu ta di acuerdo cu Aruba su sistema nacional di incidente.

Un plan di maneho di crisis comprensivo ta importante y ta sirbi como un manual pa trata diferente tipo di situacion cu por menasa un compania su entrada y integridad, y menasa siguridad di empleado y clientela.

Cu e curso aki AHATA ta proveendo su miembronan guia y apoyo cu e obhetivo cu companianan por recupera efectivamente di un emergencia. Tabata tin un participacion activo y amplio durante e curso y tur participante a ricibi nan certificado na final.

Un gradicimento special na Humphrey Gomes y e team completo di Bureau Rampenbestrijding Aruba pa ofrece e curso, y danki na Aruba Marriott Resort pa e localidad y servicio excelente.

Related posts

Departamento di Asuntonan Social tin un seccion special di guia social

EA News Author

A traha hunto pa pa yuda Roberto Hernandez haya su libertad

EA News Author

Mireille Sint Jago (PP): Plan politico di partido pueblo prome ta cla

EA News Author

Leave a Comment