FeaturedPolicialLocal

Team grandi di polis, Douane, recherche y ministerio publico a haci entrada hudicial na diferente cas

Entrada Hudicial St Cruz 1

Team grandi di polis, Douane, recherche y ministerio publico a haci entrada hudicial na diferente cas
Diaranson 20 di oktober 2021, den oranan di  atardi team grandi di polis, Douane, recherche y ministerio publico despues di un investigacion grandi, aparentemente di simannan largo e team aki, a tene den oranan di atardi, tres entrada hudicial den area di Santa Cruz. Probablemente lo tabata tin mas entrada hudicial otro caminda tambe.

Diaranson atardi nan a drenta un cas na Santa Cruz dilanti santana di Santa Cruz, na Papilon y den e bario nobo banda di Arubaanse Wegenbouw Cochinilla.

Detencion tambe lo a cay, na rotonde di Santa Cruz, autoridad na mesun momento di e entradanan hudicial lo a detene un homber y hopi lihe a bay cune.

por a compronde cu diamars den oranan di atardi tambe autoridad lo a detene un persona relaciona cu e caso aki, na airport, na yegada di su vuelo.

Segun nos a compronde lo ta trata di un investigacion grandi cu autoridad lo ta haciendo, pa algun siman caba. Ta mustra di ta trata di droga mirando cu e team presente ta rechergenan di departamento di droga. Mucho informacion no tin ainda y nos ta en espera di un relato oficial di Ministerio Publico relaciona cu e caso grandi aki.

UPDATE : Probablemente ta trata di un organizacion  di traficacion di droga basta grandi  di Aruba pa Merca

Informacion adicional cu EAnews  ta disponi di dje  cu  Aki lo ta trata probablemente di un investigacion riba un organizacion  di traficacion di droga basta grandi di Aruba pa Merca.

Diabierna ultimo, autoridad a detene un dama cu kier a bay pasa droga pa Miami, e dama lo a trata na pasa e droga den su curpa abou y lo a guli bolita tambe, pero cu no a logra esaki mirando cu a detene.

Despues diamars den oranan di atardi polis a detene un homber, na momento cu e lo a yega di viahe. Aparentemente e persona aki tambe lo tin di haber cu e caso aki.

Un caso lo a link cu e otro y asina probablemente. Awe diaranson 20 di oktober 2021 autoridad a haci un entrada oficial extenso na dos cas, un na Santa Cruz y un na Papilon.

Tambe autoridad a confisca varios articulo di importancia pa e investigacion na e tres casnan aki.

E team di recherche y Ministerio Publico a wordo reinforsa pa Douane recherche. For di oranan di merdia autoridad a haci e entradanan hudicial y autoridad a keda te den oranan laat di atardi,buscando na e dos casnan na Papilon y Santa Cruz.

No ta descarta e posibilidad cu lo por a drenta of lo bay drenta mas cas. Tambe no ta descarta e posibilidad cu mas detencion lo por cay, den e dianan nos dilanti.

 

Entrada Hudicial 1 1Entrada Hudicial 2 1Entrada Hudicial 3 1Entrada Hudicial 4 1Entrada Hudicial 5 1Entrada Hudicial 6 1Entrada Hudicial 7 1Entrada Hudicial 8 1Entrada Hudicial 9 1Entrada Hudicial 10 1

Related posts

Minister Endy Croes a reuni cu consul general di Reino Hulandes na Canada sr. Harman Idema

EA News Author

Un di e tres nombernan cu Raad van Advies, ARA y HOF a presenta den parlamento por bira Ombudsman pa Aruba

EA News Author

Parlamentario Marco Berlis (MEP): Benny Sevinger ademas di sospechoso awor tambe ta gana e titulo di stempel minister

EA News Author

Leave a Comment

Whatsapp Message