Despues di e trabounan di reparashon den aña 2025, awor Entidat Públiko Boneiru ta pone un siguiente paso den e atendementu ku Kaminda di Rincon. E proseso di destaho pa mantenshon di e trayekto kompleto a kuminsá.
Kaminda di Rincon ta un konekshon importante entre Rincon i Playa. Entidat Públiko Boneiru sa ku habitantenan, empresarionan i otro usuarionan di kaminda pa hopi tempu kaba ta eksperensiá molèster debí na e estado deplorabel di e kaminda. Ku komienso di e proseso di destaho, un mehorashon struktural di e trayekto ta bini mas serka.
Durante e proseso di destaho ta selektá un kompania adekuá pa prepará i ehekutá e trabounan mas aleu. Despues ku selektá un kompania ta sigui elaborá entre otro e planifikashon, e repartishon den fase i e aksesibilidat durante e trabounan.
Asina ku tin mas informashon tokante esaki, Entidat Públiko Boneiru ta informá habitantenan, empresarionan i otronan enbolbí tokante komienso i ehekushon di e trabounan i e posibel konsekuensianan pa tráfiko.
Nos ta gradisí tur hende pa nan pasenshi i komprenshon.